Microsoft Word Bolalar nevrologiyasi end doc

 
Tepki meningiti 
Tepki virusi – virusli meningitlarni eng ko‘p sababchisi bo‘lib, ko‘pincha 
maktabgacha va maktab yoshidagi bolalarda, o‘g‘il bolalarda qizlarga nisbatan 
ko‘p uchraydi. Xavo-tomchi yo‘l bilan yuqib, inkubasion davri 3 haftagacha keyin 
klinik belgilari paydo bo‘ladi. Bunda avval so‘lak bezlari kattalashib, keyinchalik 
meningial belgilari paydo bo‘ladi. Viremiya davrida parotit virusi boshqa a’zolarni 
ham (masalan me’da osti bezi va o‘g‘il bolalarda moyak) zararlaydi. Tepki 
meningiti o‘tkir rivojlanib, birdaniga tana harorati oshib, intensiv bosh og‘rig‘i, 
qusish bilan kechadi. Meningial belgilari erta paydo bo‘lib, ensa mushaklari 
rigidligi ijobiy bo‘ladi. Parotit infeksiyalarida meningal belgilar bo‘lmasligi ham 
mumkin. Shuning uchun likvorni tekshirish diagnostikada muhim ahamiyatga ega. 
Likvor bosimi oshgan, rangsiz, lemfotsitar pleositoz, oqsil ko‘paygan, glyukoza 
miqdori esa o‘zgarmaydi. Aniq tashhis qo‘yish uchun flyuressensiya antitanalarini 
aniqlash kerak.
 
Gerpetik meningit 
Gerpetik meningit o‘tkir boshlanib, qaltirash, et uvishishi, bosh og‘rig‘i, tana 
harorati
ko‘tarilishi bilan kechadi. Meningeal belgilari yengil ijobiy bo‘lib, orqa 
miya suyuqligida lemfotsitar pleositoz (25-150 bir mklda). Bu meningitlarga 
ko‘pincha Zoster virusi sabab bo‘lib, belbog‘simon lishay bilan kechadi.
 
Zamburug‘li meningit 
Zamburug‘li meningitning asosiy sababchisi Candida oilasidagi 
zamburug‘lar bo‘lib, ba’zan kriptokokk va aspergilla ham keltirib chiqaradi. 
Kandidoz meningit yiringli yoki aralash xarakterga ega bo‘lib, kasallik uzoq 
muddat antibakterial terapiya olgan emizikli bolalarda, homilador ayollarda 
uchraydi. Zamburug‘li meningitlar sust o‘tkir osti va surunkali kechuvga ega 
bo‘lib, doimiy bo‘lmagan tana haroratini oshishi (t
0 
38
0
C), et uvishish, adinamiya, 
xolsizlik, teri rangsiz, meningeal belgilar sust rivojlangan bo‘ladi. Bunda patologik 

---

 229
jarayon bosh miya qon tomirlariga ham o‘tishi mumkin. Likvor – bosimi oshib 
neytrofil (30-90%) pleotsitoz oqsil miqdori oshadi.