Microsoft Word Bolalar nevrologiyasi end doc

 
Davolash
Statsionar holatda olib boriladi.
Yiringli meningitlarni davolash 
Bemorni albatta statsionar yotqizib davolanadi:
1. Etiotron davolash – birlamchi infeksiya o‘chog‘i sanatsiyasi; parenteral 
antibiotikoterapiya kamida 10 kungacha qilinishi kerak. Kasallik qo‘zg‘atuvchisi 
noaniq bo‘lganda penitsillin guruhidagi antibiotiklar qilinadi. Bunda vena ichiga 
yoki mushak orasiga benzil penitsillin 1 kg vaznga 200-300 ming ed miqdorida har 
3-4 soatda qilinadi. Antibiotikni olib tashlashga sitozni 1 mkl da 100 va undan kam 
bo‘lishi va limfotsitlarni 75% ko‘p bo‘lishi asos bo‘lib hisoblanadi. Agar antibiotik 
yuborilganda ijobiy o‘zgarishlar bo‘lmasa sutkali doza 2 marta oshiriladi. Agar 
bemor koma holatida yoki davolash kech boshlanganda penitsillin dozasini 1 kg 
vaznga 800 mingdan 1 milliongacha ko‘paytiriladi.
Turli bakterial meningitlarda (meningokokk, pnevmokokk etiologiyali) 
ampitsillin ham qilinadi. Bunda har 4 soatda 2-2,5 g mushak orasiga yoki vena 
ichiga yuboriladi (sutkalik doza 12-15 g).
Penitsilinga allergiya bo‘lganda alternativ antibiotik sifatida levomisin 
suksinat natriy 1-2 g dan sutkada 2-4 marta vena ichiga yuboriladi (sutkali doza 4 g).

---

 231
Aminoglikozidlar gentamitsin gematoensefalik to‘siqdan kattalarda yaxshi 
o‘tmaydi, bolalarda esa likvorga so‘rilishi maksimal holda bo‘lib, 5 mg/kg sut. 
vena ichiga har 8 soatda yuboriladi.
Kanamitsin – 15mg/kg/sut har 12 soatda yuboriladi. Ortiqcha ta’siri: 
quloqda shovqin, eshitish pasayishi, vestibulyar buzilishlar, nefrotoksik ta’sir, 
allergik reaksiya. 
Eritromitsin – sutkada kattalarga 4-8 g, bolalarga 40-50 mg/kg vena ichiga 
har 6 soatda yuboriladi.
III avlod sefalosporinlari (seftriakson, sefotaksim, seftizoksim, seftazidim) 
ham gemato ensefalitik baryerdan yaxshi o‘tadi. Seftriakson – kattalarga 4-6 g/sut 
har 8-12 soatda, bolalarga 80-100 mg/kg/sut har 6 soatda.
Sefotaksim – 12 g/sut har 4 soatda yuboriladi.
Shuningdek: Dezintoksikatsiya maqsadida gemodez, reopoliglyukin, 
reoglyuman, albumin, polidez. Bunda gemodezni dezintoksian effekti 15-20 min. 
keyin bilinadi va 4-6 soat saqlanadi. Og‘ir hollarda yiringli meningitlarda 
likvorosorbtsiya qilinadi.
Nafas olishni og‘ir buzilishlarida IVL qilinadi. Gipovolemiya holatida 
suyuqlik yuborishni me’yordagidan 2/3 qismga kamaytiriladi, chunki miya 
shishishi mumkin.
DVS sindromida gepprin qilinadi. Miya shishishida glyukokortikoidlarni 
qilish to‘g‘ridan to‘g‘ri ko‘rsatma bo‘lib, gidrokortizon 1000 mg, prednizolon –
250 mg, deksametazon 40 mg/sut gacha.
Uoterxaus-Frideriksen sindromini oldini olish uchun kortikosteroidlar 
deksametazon 3 mg/kg vena ichiga tomchilab yuboriladi.
Qonning kislotali-ishqoriy balansini yaxshilash uchun metabolik atsidozda 
4% gidrokarbonat natriy – 200 ml vena ichiga tomchilab yuboriladi, metabolik 
alkolozda esa 4% kaliy xlorat–50-100 ml yuboriladi. Shuningdek kardiotonik 
moddalar (korglikon, strofantin) qilinadi. Psixomotor qo‘zg‘alishda va og‘riqda 
seduksen, dimedrol, analgin qilinadi.
Zamburug‘ chaqiruvchi meningitni davolashda asosiy dori bo‘lib 
amfoteritsin V hisoblanadi. Preparat 5% glyukoza eritmasida 1 kg vaznga 1 mg 
miqdorida vena ichiga tomchilab yuboriladi. Dorini dozasini sekin-asta oshirish 
mumkin. Odatda 7-10 davomida umumiy hajmi 2-6 g miqdorida davolash kursi 
o‘tkaziladi.
Yangi zamburug‘ga qarshi doriga flukonazolni tavsiya etish mumkin. Uning 
dozasi 400 gr bir sutkasiga, bolalarga esa 1 kg vaznga 3-6 mg hisobida yuboriladi. 
Bu preparat amfoteritsinga qaraganda toksik ta’siri kam.
Yangi dorilardan diflyupan, ankotillarni ichish uchun ham tavsiya etish 
mumkin.