Microsoft Word Bolalar nevrologiyasi end doc

Differensial tashhis:
 
Meningitni meningizmdan farqlash lozim. Meningizm 
umumiy miya va meningeal belgilarni kechishi bilan xarakterlanadi. Meningizm – 
miya pardalarini qitiqlanishi hisoblanib u ko‘pincha miya shishishida va bosh miya 
nervlarni jarohatlarida uchrashi mumkin, undan tashqari gipertoniya kasalligi, 

---

 227
uremiya, issiq urganda, is gazidan zaharlanishi oqibatida ham ro‘y beradi. 
Meningizm belgilari og‘ir pnevmoniya, o‘tkir dizenteriya, yosh bolalar turli xil 
intoksikasiya bilan kechuvi infeksion kasalliklarda ham kuzatiladi. Meningizmda 
orqa miya suyuqligida o‘zgarish bo‘lmaydi.
Epidemik serebrospinal meningit 
Meningokokk – gram manfiy diplokokk (Veykselbaum tayoqchasi) 
hujayrasi chiqaradi.
Meningokokkli infeksiya manbai bo‘lib, kasal bemor yoki infeksiya 
tashuvchi sog‘lom odam hisoblanib, infeksiya havo tomchi yo‘li orqali o‘tadi. 
Kasallik sporadik xarakterli bo‘lib, qish, bahor oylariga to‘g‘ri keladi. Kasallik 
bilan 1 oylikdan tortib to 70 yosh va undan katta yoshli odamlar kasallanishi 
mumkin. Shundan 70-90% bemorlarni bolalar (maktab yoshigacha bolalar) tashkil 
etadi.
Meningokokkli infeksiya turli xil shaklda namoyon bo‘ladi: belgisiz 
bakteriya tashuvchi shakli, nazofiringit (33-35%), artrit, pnevmoniya, yiringli 
meningit (30-32%) hamda meningoensefalit (1,5%) ko‘rinishida uchraydi.
Patogenezi
:
odam organizmda meningokokk yuqori nafas yo‘llarida 
joylashib olib, dastlab birlamchi nazofaringit shaklida kechadi. Ayrim odamlarda 
infeksiya rezistentligi past bo‘lsa, meningokokk gematogen yo‘l bilan butun 
organizmga tarqaladi. Og‘ir holatlarda meningokokklemiya ro‘y beradi. 
Organizmida hosil bo‘lgan endotoksin, DVS sindromi va endotoksik shokka olib 
kelishi mumkin.