Microsoft Word Bolalar nevrologiyasi end doc

Umumiy infeksion belgilar:
 
tana haroratini yuqori bo‘lishi, yuzni qizarishi, 
umumiy xolsizlik, anoreksiya, mushak og‘riqlari, emotsial labillik, teri 
ekzantemasi, qaltirash va qondagi o‘zgarishlar bilan xarakterlanadi.
Meningial sindrom
– bu miya pardasini qitiqlanishi yoki yallig‘lanishi 
natijasida kelib chiqadigan belgilar to‘plamidir. Meningial sindrom – umumiy 
miya belgilari va xususiy meningial belgilardan iborat.
Umumiy miya belgilariga
:
bosh og‘rishi, qusish, bosh aylanishi 
(nosistemali) fotofobiya. Meningit kasalligida hamma bemorlarda diffuz ravishda 
bosh og‘rishi kuzatiladi. Bu uch shoxli nerv va adashgan nervlarini 
shoxchalarining qitiqlanishi oqibatida sodir bo‘ladi. Kalla ichi bosimini oshishiga 
orqa miya suyuqligini ko‘p ishlab chiqishi va uning so‘rilish jarayonni buzilishi 
sabab bo‘ladi. Gipertenzion mexanizm rombsimon chuqurchaning tubida 
joylashgan Trigger sohasini qo‘zg‘alib qusishga olib keladi.
Qusish 
– bosh og‘rishini kuchaygan vaqtida ko‘ngil aynimasdan, ovqat 
qabul qilishga bog‘liq bo‘lmagan holda birdaniga kelib chiqadi. Qusish ”fontan” 
tarzda kechishi mumkin.
Umumiy giperesteziya
 
(taktil, ko‘ruv, eshituv). Bunda miya pardasi 
retseptorlari, orqa miya tuguni hujayralari va orqa ildizchalarning qo‘zg‘alishi 
oqibatida kelib chiqadi. Yuqoridagilar meningit kasalligiga tashhis qo‘yishda 
muxim belgi hisoblanadi. Meningitning og‘ir kechuvida ongni har xil bosqichda 
buzilishi, alaxsirash, gallyutsinatsiyalar, tarqoq yoki fokal epileptik hurujlar 
ko‘rinishida ro‘y berishi mumkin.
Meningial belgilar: 
 
1. Bosh va orqa miya nervlarni ildizchalarini qitiqlanishi va mushaklarni 
reflektor himoya taranglashuvi ro‘y beradi. U o‘z navbatida ildizchalarni mexanik 
lat yeyishidan saqlashda ishtirok etadi.
2. Bosh miyaning III-IV qorinchalari vegetativ markazlarini qitiqlanishi. 
Bular mushak tonusini markazi hisoblanadi.