Maktab yoshidagi bolalarda kechiktirib bo’lmaydigan holatlarda organizmning umumiy holatini kuzatish

Maktab yoshidagi bolalarda kechiktirib bo’lmaydigan holatlarda organizmning umumiy holatini kuzatish.

Maktab yoshidagi bolalarning sogʼlom boʼlib oʼsib ulgʼayishlari birinchi galda uning

oiladagi sharoiti va maktabdagi muhitga bogʼliq. Bundan tashqari har bir oʼquvchi ongli ravishda
sogʼlom boʼlish va unga intilish kerakligini bilishi kerak. Buning uchun maktabda va sinflarda
sogʼlom turmush tarzini targʼib qiluvchi tadbirlar oʼtkazilib turishi lozim. Bir yilda bir marta
vrach koʼrigidan oʼtkazilib turishlari kerak.
Bolalarning sogʼlom boʼlishlari va toʼgʼri rivojlanishlari uchun birinchi galda kun
tartibigi eʼtibor berish zarur. Kun tartibi asosida toʼgʼri va oʼz vaqtida ovqatlanish muhim
ekanligini unutmaslik kerak.

1)Ovqatlanish.
Bola ovqatlanishining toʼgʼri yoʼlga qoʼyilishi uning sogʼlom boʼlishiga, kun ichida
yoʼqotgan energiyasini toʼldirishda, kasalliklarga organizmning kurashish qobiliyatini
oshirishda muhim oʼrin egallaydi. Bolani yoshligidan ovqatlanish etikasi va vaqtiga oʼrgatish
muhim. Bola kun ichida 3 mahal ovqatlanishi lozim. Ovqatlanish vaqti va miqdori bolaning
yoshiga toʼgʼri kelishi lozim.

2).Tozalikka rioya qilish.
(1)Teri tozaligiga eʼtibor berish:
Shaxsiy gigienaga rioya qilish, teri tozaligiga eʼtibor berish, bolaning sogʼlom
boʼlishida katta oʼrin egallaydi. Teri nafas olish, suv ajratish, termoregulyatsiya, himoya
funktsiyalarini bajaradi. Bundan tashqari mikroorganizmlarning organizmga kirishiga
toʼsqinlik qiladi. Terini toza tutish kasalliklarning oldini olishda muhim rolь oʼynaydi.
Maktab hamshirasi bolalarning toʼgʼri kiyinishlariga ham eʼtibor berishi lozim. Buning uchun
kiyimni faslga qarab tanlanishi, matoning turi, sifatiga eʼtibor berilishi lozim. Bolalar
kiyimlari havo oʼtkazuvchi va sovuq kunda bolaning sovib qolishidan asrashi lozim.
(2) Profilaktika maqsadida teri tozaligini taʼminlash tadbirlari.
Jamoat joylarida shaxsiy gigiena qoidalariga rioya qilmaslik kasalliklarning
tarqalishiga yaxshi sharoit yaratadi. Buning oldini olish uchun bolalarga yoshligidan ovqatdan
oldin, hojatdan soʼng qoʼlni sovunlab yuvishni oʼrgatish kerak. Har kuni uyqudan oldin dush
qabul qilish, tishlarni yuvish, koʼchadan qaytganda qoʼlni yuvish va ogʼizni chayish kerakligini
tushuntirish lozim.