Microsoft Word Bolalar nevrologiyasi end doc

Miopatik sindromda 
qo‘llarning proksimal mushaklarning atrofiyasi va 
kuchsizligi, bu ko‘pincha reflekslarning pasayishi, mushaklar spazmi, 
fastsikulyatsiya bilan kechadi. EMG da miopatik o‘zgarishlar aniqlanadi.
Miastenik sindrom 
ptoz, ko‘zning aylanma mushaklarning kuchsizligi, 
bulbar buzilishlar bilan xarakterlanadi.
Tireoksik periferik paralich – 
ikkilamchi gipokaliemik paralichning eng 
keng tarqalgan varianti. Bular uchun oyoq-qo‘llarning praksimal qismlarida 
kuchsizlik xurujlarini bo‘lishi bilan xarakterlanadi, lekin jarayonga ko‘z, bulbar va 
nafas mushaklari qo‘shilmaydi. Xuruj jismoniy zo‘riqishdan keyin, uglevodli ovqat 
qabul qilingandan keyin, ko‘pincha uyqu paytida paydo bo‘lib, bir necha soat 
davom etib, mustaqil to‘xtaydi.
Gipoteriozda ensefalopatiya belgilari kuzatilib, diqqat, xotiralarni buzilishi, 
bosh og‘rig‘i, uyquchanlik, tormozlanish bilan kechadi. Og‘ir miksidema uchun 
apatiya, patologik uyquchanlik, sekinlashgan nutq, fikrlash, dementsiya, 
parkinsonik belgilar xarakterli. Kam hollarda vasvasa, gallyutsinatsiya, 
generallashgan epitutqanoqlar ko‘rinishida kechadi.
Miksedematik koma elektrolit buzilishlar fonida (giponatriemiya, 
gipoglikemiya), gipotermiya, bradikardiya, yurak ritmining buzilishi, arterial 
gipotenziya, nafas yetishmovchiligi, epileptik tutqanoqlar, xushning yo‘qolishi 
ko‘rinishida kechadi.
Miopatik sindrom uchun oyoq-qo‘llarning proksimal qismida atrofiya va 
kuchsizlik, fibrilyatsiya, mushaklarni qattiqlashishi, reflekslar pasayishi va 
so‘nishi, mushaklar relaksatsiyasi kamayganligi xarakterli.
Kam hollarda Gofman belgisi uchraydi, bu oyoq-qo‘llar va til 
mushaklarining kattalashishi, mushaklar bo‘shashishining sekinlashishi bilan 

---

 395
kechadi. EMG yordamida tashhis tasdiqlanadi. Bundan tashqari qonda 
kreatinfosfokinaza miqdori oshadi.
Gipotireozda yuz, ko‘rish, eshitish nervlarning mononevropatiyasi, sensor 
yoki sensomotor polinevropatiya kuzatiladi.
Gipoparatireoz uchun paratireokrin ajralishining kamayishi xarakterli. Bu 
esa tetanik talvasa ko‘rinishida kechadi. Bu oyoq-qo‘llar, yuz, til, traxeya, 
xiqildoqda oshqozon-ichak trakti mushaklarining talvasasi bilan kechadi. Bu 
gipokaltsiemik holat silliq va ko‘ndalang-targ‘il mushaklarning yuqori 
qo‘zg‘aluvchanligiga olib keladi. Bundan tashqari, gipokaltsemiya asosida 
simpatotonik yoki vagatonik buzilishlar paydo bo‘ladi.