Microsoft Word Bolalar nevrologiyasi end doc

Qon kasalliklarida asab tizimini zararlanishi.
Anemiyalar doimo bosh 
miya gipoksiyasiga olib keladi, bu esa o‘z navbatida astenik belgilar (umumiy 
xolsizlik, charchash, bosh og‘rig‘i, bosh aylanishi, apatiya, uyquchanlik, ko‘z 
oldida jimirlash, quloq shang‘illashi) bilan namoyon bo‘ladi.
Miya qon tomirlari aterosklerozi fonida og‘ir anemiya (ayniqsa qon 
trombotsitoz bilan birgalikda) ishemik insult bilan asoratlanishi mumkin. 
Pernitsitoz anemiya (V
12
defitsit bilan) funikulyar miyeloz bilan birga kechadi.
Leykozlar – elektrolit buzilishlar, kimeviy va nur terapiya asorati, infeksion 
va gemorragik buzilishlar hisobiga, leykemik hujayralar asab tizimini turli xil 
strukturalarini infiltratsiyasiga olib keladi. Miya ichi va spinal qon quyilishlar 
(gemorragik insult, subdural gematoma, miyeloraxis) trombotsitopeniya va DVS 
sindromi hisobiga kelib chiqadi, shuning uchun ularda gemorragiyalar, limfa 
tugunlari, jigar, taloq kattalashishi, yuqori harorat kuzatiladi. Agar periferik qonda 
leykotsitlar soni keskin oshgan bo‘lsa, qonni yopishqoqligi oshadi, bu esa o‘z 
navbatida tranzitor ishemik xuruj yoki trombotik insult bilan asoratlanadi. 
Shuningdek progressirlashgan ensefalopatiya rivojlanishi mumkin bo‘lib, bunda 
bosh og‘rig‘i, ataksiya, ko‘rish va eshitishni pasayishi, apatiya, stupor, sopor 
kuzatiladi.
Leykozda bosh miya va orqa miya pardalarini leykemik infiltratsiyasi 
kuzatilib, bunda meningial sindrom, bosh miya nervlarini zararlanishi va 
radikulopatiya bilan namoyon bo‘ladi. Organizmni reaktivligi keskin pasayishi 
natijasida leykoz bilan og‘rigan bemorlar MNS ni bakterial va zamburug‘li 
zararlanishiga moyil bo‘lib, bu meningit va ganglionit bilan kechadi.
Gemofiliya gemorragik insult, subdural va epidural gematomalarga olib 
keladi. Gematomalar yumshoq to‘qimalarda ham hosil bo‘lib, periferik nervlarni 
ezadi, klinikada nevralgiya va nevropatiyalar kuzatiladi. Qon yopishqoqligi oshishi 
bilan namoyon bo‘lgan gematologik kasalliklar (politsitemiya, miyelom kasalligi 
leykozlar, makroglobinemiya) uchun bosh miya qon aylanishini o‘tib ketuvchi 
buzilishi, ishemik insultlar, ensefalopatiyalar rivojlanishi xos.
Limfogranulyomatozda kalla bo‘shlig‘ida, umurtqa kanalida joylashgan 
limfa tugunlarini kattalashishi bosh miya va orqa miya ezilishini chaqiradi, bu esa 
o‘sma ko‘rinishida namoyon bo‘ladi. Agar periferik yoki bosh miya nervlari ezilsa, 
klinikada nevralgiya, nevropatiya yoki radikulopatiyalar kuzatiladi.