Microsoft Word Bolalar nevrologiyasi end doc

Spastik gemiplegiya (bolalar markaziy gemiplegiyasi).
BSFni bu shakli 
erta yoshligida miya kasalliklarini (travmalar, ensefalitlar, meningoensefalitlar) 
o‘tkazgandan keyin paydo bo‘ladi. Bolalar spastik gemiplegiyasi homila 
jarohatlanishi yoki tug‘ma travmadan keyin rivojlanishi mumkin. Ko‘p hollarda 
postnatal kasalliklar boshlanishi yuqori harorat, qusish, xushni yo‘qotish, umumiy 
yoki o‘choqli tutqanoqlar bilan kechadi. Xurujlar tez-tez birin-ketin bo‘lishi 
mumkin va epileptik status bir necha soat va sutka davom etishi mumkin.

---

 216
Falajlar o‘tkir, apoplektiform shaklda yoki tutqanoqlardan keyin rivojlanadi. 
Odatda tutqanoqlar bo‘lgan tomonda gemiplegiya yuzaga keladi. Gemiplegik 
shaklda oyog‘iga nisbatan qo‘llar ko‘proq zararlanadi (ayniqsa, uni distal sohalari) 
va oyoqlarda tiklanish jarayoni yaxshi kechadi. Yaxshi tomonga o‘zgarishi 
shunchalik seziladiki, gemi emas, balki qo‘llar monoplegiyasi deb o‘ylanadi. 
Mushak tonusi qo‘llarda, ko‘proq bukuvchilarda, oyoqlarda ko‘proq yozuvchilarda 
oshgan bo‘ladi. Qo‘lda bir me’yorda mushak tonusini oshmaganligi xarakterli 
holatga: yelka tanaga yaqinlashgan, qo‘l tirsak bo‘g‘imida bukilgan, kaft bukilgan 
yoki cho‘zilgan, barmoqlar bukilgan va kaftga bosilgan, ba’zida II va III 
bo‘g‘imlarda yozilgan, oyog‘i yozilgan va biroz ichkariga qaratilgan, turganda 
oyoq uchiga bosadi.
69-rasm.
 Bolalalr serebral falaji 
gemiparetik shakli.
Pay va suyak usti reflekslari jarohat tomonda, 
ba’zan esa ikkala tomonda oshadi. Ko‘pincha tovon 
va tizza qopqoqchasi klonusi, bukuvchi va yozuvchi 
guruhlar patologik refleksi aniqlanadi. Ba’zi bir 
bemorlarda VII va XII nervlarning markaziy 
falajligi ham aniqlanadi. Qorin reflekslari 
gemiplegiya tomonida pasaygan yoki yo‘qoladi. 
Sezgi o‘zgarishlari ko‘pgina bolalarda buzilmaydi. 
Ba’zida gemitip bo‘yicha biroz sezuvchanlik 
pasayadi. Falajlangan qo‘l-oyoqlar sog‘lom 
tomondagi qo‘l-oyoqlar o‘sishidan orqada qoladi. 
Mushak atrofiyasi oddiy, elektroqo‘zg‘aluvchanlikda sifatli o‘zgarishlarsiz bo‘ladi. 
Suyaklari sog‘lom tomonga qaraganda kalta va ingichka. Rentgenogrammada turli 
darajadagi osteoporoz kuzatiladi. Kasal bolani yoshi qancha kichik bo‘lsa, parez 
qo‘l-oyoqlarni o‘sishdan orqada qolishi yaqqol bo‘ladi. Falaj tomonda ba’zida 
boshqa periferik o‘zgarishlar – sut bezi, moyak rivojlanmasligi kuzatiladi.
Ko‘pincha afaziya kuzatiladi. Ko‘pgina hollarda u motor bo‘ladi. Agar bola 
kasal bo‘lishidan oldin gapirmagan bo‘lsa, nutq rivojlanishi ortda qolib, defektlar 
paydo bo‘ladi.