Microsoft Word Bolalar nevrologiyasi end doc

Klinikasi.
BSF yig‘ma guruhida turli xil harakat buzilishlari piramida yo‘li, 
po‘stloq osti tugunlari, miyacha va so‘g‘on tizimi shikastlanish belgilari bilan birga 
kuzatiladi. Asosan markaziy falajlik xarakterli: diplegiya, ikki tomonlama 
gemiplegiya, psevdobulbar buzilishlar. Falajlar ko‘pincha turli xildagi giperkinez 
va sinkineziyalar bilan kuzatiladi. Ko‘pgina BSFli bemorlarda epileptik xurujlar 
(umumiy, o‘choqli va boshqalar) rivojlanadi. Ko‘pgina bemorlar psixikasida 
yetishmovchilik yengil darajadan to imbesillikkacha kuzatiladi. Alohida shakllarni 
ajratish, asosan, sindromologik hisoblanadi. BSF tasnifida umumiy qabul qilingan 
tizim yo‘q. Klinik amaliyotda quydagi shakllarni farqlash kerak:
1.
Spastik diplegiya (Littl sindromi) 
2.
Spastik gemiplegiya (bolalar markaziy gemiplegiyasi) va ikki 
tomonlama spastik gemiplegiya (tetraplegiya) 
3.
Bolalar psevdobulbar falaji 
4.
Miyacha shakli
5.
Giperkinetik shakli (ikki tomonlama atetoz). 
Spastik diplegiya (Litll sindromi).
Ko‘pincha kasallik tug‘ma travmadan, 
ba’zan esa homila jarohatlanishi natijasida kelib chiqishi mumkin. Bola hayotining 
birinchi oylaridan spastik falaj oyoq va qo‘llarda aniqlanadi. Keyinchalik 
qo‘llardagi harakat nisbatan yaxshi tiklanadi va oyoqlarida falajlik ustunlik qiladi. 
Spastik dialegiyani paraplegik va tetraplegik shakllari ajratiladi. Ikki oyog‘i va bir 
qo‘li shikastlanishi kabi o‘tuvchi shakllari ham aniqlangan. Sindromning barcha 
turlarida oyoqlarni shikastlanishi va mushak (yaqinlashtiruvchi va yozuvchi) 
tonusini keskin oshishi oyoqlarda ko‘proq. Buning natijasida oyoqlar yozilgan va 
biri ikkinchisiga keltirilgan, ba’zan chalishtirilgan bo‘ladi.
Yotgan bolani kam harakatlanishi, oyoqlarda harakat yo‘qligi, oyoqlarini 
bir-biridan ajratishini qiyinlashishi ko‘p hollarda bola hayotini birinchi haftasi yoki 
oylarda onasini shifokorga murojaat qilishga majbur qiladi.