Microsoft Word Bolalar nevrologiyasi end doc

Serebrastenik sindrom.
MNS yengil zararlangan bemorlarda kuzatiladi. 
Bolada normal psixik va fizik rivojlanish fonida emotsional labillik, atrof-
muhitdagi kam ahamiyatli o‘zgarishlarda hamda ko‘ruv, eshitish, taktil 
analizatorlarning ta’sirlanishi natijasida paydo bo‘ladi harakat bezovtaligi kelib 
chiqadi. Bunday bolalarda tug‘ma reflekslarning kuchayishi, Moroning spontan 
refleksi, davriy mayda amplitudali tremor, cho‘chish, uyquga ketishining qiyinligi, 
yuzaki, davomli bo‘lmagan uyqu kuzatiladi. 
Bu sindromning klinik ko‘rinishlari interkurrent kasalliklar, travmalar, 
emlashlar, stressli holatlar ta’sirida kuchayadi.
Vegetativ-vistseral disfunksiyalar sindromi
organizmning vegetativ-
vistseral reaksiyalarining diensefal boshqaruvini buzilishidan dalolat beradi. Bu 
sindrom uchun vegetativ-tomirli dog‘larning, o‘tib ketuvchi sianoz, 
termoregulyatsiyaning buzilishi, oshqozon-ichak diskineziyalari (pilorospazm, 
ichak peristaltikasining kuchayishi, ichak quldirashi, qabziyat, qusish), 
shuningdek, nafas va yurak-qon tomir tizimining labilligi (aritmiya, taxikardiya va 
taxipnoe hurujlarini bradikardiya va bradipnoe bilan almashinib kelishi, ba’zan 
apnoe) xarakterli.
Harakat buzilishlari sindromi 
harakat aktivligining kuchayishi yoki 
pasayishi bilan, mushak gipo- yoki gipertoniyasi bilan, mono yoki gemiparez (kam 
holda tetraparez) bilan, po‘stloq osti giperkinezlari bilan namoyon bo‘ladi. Mushak 
gipotoniyasi, ko‘pincha, miyacha yoki orqa miya oldingi shoxlarining zararlanishi 
natijasida kelib chiqadi. Bunda spontan aktivlik, pay reflekslari, mushak tonusi 
pasayadi. Mushak gipertoniyasi ko‘pincha po‘stloqning piramida hujayralari 

---

 196
zararlanishida kuzatiladi. Mushak gipertoniyasida ham harakat aktivligi pasaygan 
bo‘ladi, lekin mushak tonusining oshganligi sababli (ayniqsa, qo‘l-oyoqlarni 
yaqinlashtiruvchi mushaklarda, qo‘llarni bukuvchi va oyoqlarni yozuvchi 
mushaklarida, bo‘yin, bel mushaklari) umumiy taranglik (skovannost) kelib 
chiqadi. Tug‘ma reflekslar paradoksal dinamikaga ega bo‘lib, so‘rish, yutish, 
tayanch, avtomatik yurish, emaklash reflekslarining so‘nishi, oral avtomatizm, 
Robinson, Babkin, bo‘yin-tonik reflekslarining kuchayishi, keyinchalik esa 
so‘nishining kechikishi bilan namoyon bo‘ladi. Elektromiografik tekshiruvlar 
yordamida o‘choqning joylashishi va subklinik harakat buzilishlarini aniqlash 
mumkin. Noxush belgi bo‘lib davomli adinamiya, mushak gipotoniyasi, so‘rish va 
yutishning yo‘qligi, bo‘yin-tonik refleksining erta paydo bo‘lishi hisoblanadi.