Microsoft Word Bolalar nevrologiyasi end doc

Epileptiform sindrom.
Polimorf xarakterli tutqanoqlar (parsial, 
generallashgan) bilan xarakterlanadi, dinamikasi bo‘yicha farqlanadi. Ba’zi 
holatlarda gemodinamik buzilishlar, miya shishishi belgilari va kalla ichi 
gipertenzion belgilarning so‘nishi bilan tutqanoqlar to‘xtaydi, boshqa hollarda 
(ishemiyada, o‘choqli nekroz, qon quyilish sohalari va ularni transformatsiyasi) 
tutqanoqlar shaklining murakkablashuvi, og‘irlik darajasi va tezligi ortib boradi. 
O‘tkir davrda ko‘pincha yo‘qolib, turli xil omillar ta’sirida xurujlar 1½ - 2 oy va 
undan keyin ham yana paydo bo‘lishi mumkin. Xuruj xarakterini o‘zgarishi miya 
strukturasi yetilishi darajasiga bog‘liq. Shu bilan birga generalizatsiyalanish bilan 
yakunlanuvchi patologik aktivlik o‘choqlarining paydo bo‘lishida distrofiya va 
demiyelinizatsiya ko‘rinishidagi ikkilamchi o‘zgarishlar, uyali glioz rivojlanishi 
bilan kechadigan neyronlarning siyraklashuvi katta ahamiyatga ega.
Ba’zi bolalarda tutqanoq xurujlari hayotining 2-3 oyida MNS funksiyasining 
nisbatan yengil buzilishlaridan keyin ham kuzatiladi. Bu esa qo‘shimcha ekzogen 
zararlar ta’siri ostida miyadagi gemostazni ta’minlovchi fermentli reaksiyalarning 
dekompensatsiyasiga sabab bo‘lib, tug‘ma tutqanoqqa moyillik borligidan dalolat 
beradi. Erta yoshli bolalar uchun kichik xurujlar xarakterli: absans, turli xildagi 
propulsiv tutqanoqlar (to‘satdan boshini oldinga bukish bilan namoyon bo‘ladigan 
tutqanoqlar), tonik propulsiya – salom egilishi, klonik propulsiya bosh va 
gavdaning oldinga tez turtkisimon harakati bilan, ba’zan yiqilishlar – «cho‘qishlar» 
bilan kechadigan), boshni orqaga tashlash bilan kechadigan retropulsiv, butun 
tananing yashinsimon cho‘chishi bilan kechadigan impulsiv tutqanoqlar. Ular 
seriyali ravishda, lekin xushni yo‘qotilishisiz kechadi. Tutqanoqlar, ayniqsa, 
retropulsiv va propulsivlar tutqanoqlar psixomtor rivojlanishning ortda qolish va 
avval orttirilgan ko‘nikmalarning yo‘qolishi va juda tez degradatsiya bilan 
namoyon bo‘ladi. Erta yoshda ko‘p uchraydigan cho‘chishlar, parsial va fokal 
xurujlar tarqoq shaklga o‘tishi mumkin. Erta yoshli bolalar uchun tutqanoq 
xurujlari diensefal tusga ega. Bu esa klinikada ko‘pincha vegetativ-vistseral 
disfunksiyalar komponentining ustun turishi, ba’zan esa bu xurujning yagona 
ko‘rinishi hisoblanadi. EEGda topilgan alohida va guruhli o‘tkir to‘lqinlar, yuqori 
amplitudali sekin to‘lqinlarning seriyalari, cho‘qqi-to‘lqin komplekslarining 
generallashgan gipersinxron biopotentsiallarning paroksizmal paydo bo‘lishi xuruj 
epileptik xarakterga ega ekanligini ko‘rsatadi.

---

 197