Мевачилик ва сабзавотчилик

1-vazifa: Barcha bog‘ asboblarini chizish va o‘rganish, ularning qaysi qismlardan tuzilganligini ko‘rsatish.
Har xil turdagi qayroqtosh va charxlagichlar, ularning tasmali turlari bilan tanishish.
2-vazifa: Bog‘ pichoqlari, payvand va kurtak payvand pichoqlarini charxlashni o‘rganish, arra chaxlagich bilan arra va dastarralarning tishlarini charxlash.
Mevali o‘simliklarning novdalari va shohlarida yuqoridagi asboblar bilan amaliy ishlar bajarish.
Kerakli jihozlar va materiallar: bog‘ pichoqlari: katta, o‘rtacha va kichik; kurtak payvand pichoqlari, payvand pichoqlari, har xil tipdagi tok qaychilar, bog‘ arralari: har xil turdagi yoysimon arralar va dastarralar; otverka, bolg‘acha, chizg‘ich, qayroqtosh, charxlagichlar, kamar, chelak, suvli krujkalar, diametri har xil bo‘lgan daraxt shohlari.


Nazorat savollari.

1. 
   Arrani egovlash va tishlari orasini ochishning asosiy qoidalarini aytib bering?
   
2. 
   Bog‘ kesuvchi asboblarni o‘tkirlash uchun qo‘llaniladigan charxlash asboblarining turlari?
   
3. 
   Sanoat bog‘ida mevali o‘simliklarni kesishning qanaqa mexanizat-siyalashtirilgan vositalari qo‘llaniladi?
   
4. 
   Bog‘ kesuvchi asboblar bilan ishlashda jarroxlik operatsiyalarini bajarishning asosiy qoidalari?
   

5- LABORATORIYA mashg‘ulot:
Mevali o‘simliklarini payvand qilish usullari


Mashg‘ulot maqsadi: kurtak payvandni tashkil etish ishlari bilan tanishish, har xil kurtak payvand qilish usullari texnikasini o‘zlashtirish. Ushbu bilimlar mevali o‘simliklarni ko‘paytirish va ularni yetishtirishda har bir mevachi mutaxassis uchun zarurdir.
Mashg‘ulot mazmuni: Har xil usullarda ko‘zlarni kurtak payvand qilishni amalda bajarib o‘rganish, masalan pichoq ostida, yog‘ochli yoki yog‘ochsiz kurtak qalqonchasini, trubkachani payvand qilish..
Ishni bajarish uchun namuna: Ko‘chatzorlarda eng ko‘p tarqalgan payvand usullaridan biri bu qalqoncha yoki kurtak payvand qilish hisoblanadi.
Qalqoncha – bu poya qismi bo‘lib, novdaning bo‘g‘imidan kesib olinadi, uning uzunligi 25-35 mm, eni 4-6 mm ni tashkil etadi. Qalqoncha kurtak, barg bandi bo‘lagi, po‘stloq tasmachasi, kambiy va yupqa qatlam yog‘ochlikdan iborat bo‘ladi, ba’zan qalqonchadan yog‘ochlik olib tashlanadi.