Мевачилик ва сабзавотчилик

Vazifa: kurtak payvandning barcha usullarini sxematik tarzda rasmini chizish.
Kerakli jihozlar va materiallar: bog‘ pichoqlari, kurtak payvand pichoqlari, payvand pichoqlari, tok qaychilar, novdalar va shohlar, qayroqtosh, chaxtosh va kamar, o‘rovchi material. Kurtak payvandning har xil usullari tasvirlangan plakatlar.


4-mashg‘ulot davomi:
Meva ko‘chatzori tashkil etishda xisob kitoblar
Mashg‘ulot maqsadi:Sanoat bog‘dorchiligi uchun mevali va rezavor mevali o‘simliklar jinssiz usulida ko‘paytiriladi. Zamonaviy sanoat ko‘chatzori texnologiya jihatidan o‘zaro bog‘langan qishloq xo‘jalik o‘simliklari , maxsus xonalar, sug‘orish va boshqa inshoatlardan iboratdir. Bu yerda shu mintaqada rayonlashtirilgan yuqori sifatli nihollar yetishtiriladi.
Mashg‘ulot mazmuni:Ko‘chatlar mamlakatimizda ko‘chatxona deb ataladigan ixtisoslashtirilgan xo‘jaliklarda yetishtiriladi.
Nihollardan uzluksiz ravishda yetishtirib chiqarish uchun ko‘chatzorda ko‘yidagi asosiy tarkibiy bo‘limlar va maydonlar tashkil qilinishi kerak:

1. 
   Ko‘paytirish bo‘limi.
   
2. 
   Rivojlantirish bo‘limi.
   
3. 
   Ko‘yidagi maydonlarda tarkib topgan ona tuplar bo‘limi.
   

A) nav belgilovchi payvando‘stlar bog‘i maydonchasi;
B) urug‘dan ko‘kartirilgan payvandtaglar bog‘i maydonchasi;
V) olma va nokning jinssiz usulda ko‘paytiriladigan kuchsiz payvandtaglarini parxish qilish maydonchasi;
G) rezavor mevalildar ona tuplari maydonchasi: bu yerda xo‘jag‘at, qorag‘at, yertut va boshqa mevali o‘simliklar turlarining o‘z ildizidan o‘sgan nihollar olinadi.Mevali o‘simliklar ko‘chatlari bir joyda kup yil almashlamasdan yetishtirish tuproqning bir tomanloma oriqlashiga, agrokimyoviy va tabiiy xossalrning yomonlashuviga, tuproqda madaniy ekinlarga xos bo‘lgan begona o‘tlar, zarakunandalar va kasalliklarning to‘planishiga olib keladi. Natijada bunday yer maydonlaridan olinadigan ko‘chatlar sifati va soni keskin kamayadi.
Aniqlanishicha, meva va rezavor meva o‘simliklari ko‘chatlari va urug‘idan ko‘kartirilgan ko‘chatlarni bir joyning o‘zida kamida 3-4 yildan so‘ng, yertutni esa 4-5 yildan so‘ng yetishtirish maqsadga muvofiq ekan.Qishloq xo‘jaligida almashlab ekish nomini olgan mevali va boshqa ekinlarni tegishli navbatlash qo‘llanilgan sharoitdagina mazkur kamchilikni bartaraf etish mumkin.