8.2.1. STi7109 mikroprotsessorining umumiy xarakteristikasi va ish algoritmi
STi7109 - dekoderlarning yuqori sifatli raqamli chiplarining yangi avlodi bo‘lib, HD arzon tizimlari uchun yuqori samaradorlikni ta’minlaydi, STBus arxitekturaga asoslangan. Ushbu mikroprotsessor zamonaviy raqamli yer usti, yo‘ldosh va kabel, tizimlari shuningdek, DSL va IP masalalarining yechimidir.
STi7109 demultipleksori HD va standart raqamli video oqimlarini ko‘p kanalli audio yo‘lakchalar bo‘ylab qayta tiklaydi.
Televizor bilan aloqa DAC analog kirish orqali yoki ko‘chirishdan himoyalangan DVI/HDMI raqamli kirishdan amalga oshiriladi. Audio chiqish esa S/PDIF aralash interfeysi orqali yoki integrallangan DAC stereo interfeysi orqali ta’minlanadi.
Raqamli ko‘rinishga aylantirilgan analog dasturlar namoyish uchun STi7109 mikroprotsessori yordamida qayta formatlashtirilish mumkin. Ushbu chip bir vaqtning o‘zida turli manbaalardan kelayotgan yettitagacha oqimga ishlov berish imkoniyatiga ega.
STi7109 266 MGs chastotada ishlaydigan ST40-202 markaziy protsessoriga ega. Sinxron dinamik xotira interfeysi ZUPV DDR1 yanada sifatli ishlash uchun qo‘llaniladi va u VC-1/HD H.264 o‘tkazish standartida videodekoderga zarur polosa bo‘ylab ishlashga imkon beradi. STi7109ning umumlashtirilgan tashkiliy chizmasi 8.7-rasmda keltirilgan.
8.7-rasm. STi7109 ning umumlashgan sxemasi
Protsessorda 64-QAM modulyatsiyadan foydalaniladi, modulyatsion simvollar 6-razryadli so‘zlarni namoyon qiladi, shuning uchun kiruvchi oqim oltita suboqimga demultipleksirlanadi.
Dekoderning bazaviy asosini tugallangan impuls xarakteristikaga ega ikkita raqamli filtr tashkil etadi, ularning chiquvchi signallari X va Y lar, oltita trigger siljish registri ko‘rinishidagi kechikish liniyalarining turli nuqtalaridan olingan ikkita signalning modulini qo'shish natijasidaa shakllanadi.
Kiruvchi ma’lumotlar ketma-ket siljish registriga kiritiladi, filtr chiquvchi signallaridan esa, o‘zgartirishdan keyin ketma-ket ko‘rinishli raqamli oqim shakllanadi, bu oqimda bitlar kirishdagidan ko‘ra ikki marta ko‘proq keladilar. STi7109ning yanada batafsilroq tashkiliy tuzilmasi 8.8-rasmda ko‘rsatilgan.
V STi7109 da videoni dekodlash VC-1/H.264/MPEG-2 formatlarida yoki raqamli video interfeys orqali olingan formatda bajariladi. Asosiy protsessor video signalni qabul qiladi va chiziqli-blokli aylantirishni, panoramalashni va skanerlashni, shuningdek formatni vertikal va gorizontal o‘zgartirishni amalga oshiradi.
Qator oralab yoyishda ishlash uchun shuningdek, de-interlacer (DEI) rejimi mavjud. Yordamchi protsessor dekodlangan signalni qabul qiladi va panoramalashni va skanerlashni, vertikal sinxronizatsiyani, formatni, ranglilikni va tus hamda to'yinganlikni gorizontal o‘zgartirishini amalga oshiradi. Ushbu yordamchi protsessor tasvirni chiqarish uchun mo‘ljallangan.
8.8- rasm. STi7109 mikroprotsessor funksional sxemasi
Tasvirni chiqarish asosiy interfeslarning har qaysisida amalga oshirilishi mumkin:
• asosiy analog chiqishda;
• DVI / HDMI chiqishda.
Ushbu chip qatorlar soni 525i, 525p, 750p, 1125i bo‘lganda standart va yuqori sifatli televideniyening turli kengaytmalarida displeyni qo‘llaydi.
STi7109 mikroprotsessorining kamchiligi deb unda sozlangan demodulyatorning yo‘qligini hisoblash mumkin.
Do'stlaringiz bilan baham: |