Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

TERMINLAR VA QISQARTMALAR LUG‘ATI


Abonent kartasi - plastik karta ichiga joylashtirilgan mikrosxema (Smartcaid) ko‘rinishidagi qurilma. DVB va boshqa teleeshittirish tizimlaridagi pullik teledasturlari tizimiga kirish elementlaridan biri sifatida qo‘llaniladi.
ADIKM - Adaptiv differensial impuls-kodli modulyatsiya (inglizcha ADPCM). Diskret impuls kod modulyatsiya turi bo‘lib, unda kvanlash qadami va bashorat ko‘rsatgichi qiymatlarining kodlanayotgan signal joriy tarkibiga bog‘liq o‘zgarishidir.
Amplitudaviy manipulyatsiya (AMn) - raqamli signallarni uzatishda qo‘llaniladigan modulyatsiya turlaridan biri. Tashuvchining amplitudasini diskret o‘zgarishidir.
ARO‘ - Analog- raqam o‘zgartirgich.
Bashorat xatosi - signalning bashorat qilingan va mavjud qiymatlari orasidagi farq. Tasvirlarni kodlashda tasvir fragmentining (makroblokining) xatosi sonlar matritsasi bo‘lishi mumkin. Har bir element mavjud va bashorat qilingan fragment elementlari orasidagi farqqa teng bo‘ladi.
Bashoratli kodlash - Diskret impuls kod modulyatsiyasiga qarang.
Bir chastotali tarmoq (Single Frequency Network - SFN) - DVB-T eshittirishlaridan biri bo‘lib, bir necha teleuzatgichlarning bir chastotada sinxron ishlashini ta’minlaydi. Bunda ularning eshittirish qamrov xududilari o‘zaro qoplanishlari mumkin.
Bitlarni taqsimlash (inglizcha- bit allocation) - tasvirni siqish va ovozni uzatishning ko‘pgina usullarida qo‘llaniladigan operatsiya. Kvantlashdagi ikkilik razryadlar (bitlar) belgilangan soni umumiy ma’lumotlar oqimining bir necha tashkil etuvchilari bo‘yicha taqsimlanadi, masalan, chastota diapazoni osti bo‘yicha.
Bitlarning adaptiv taqsimlanishi (ingl. - adaptive bit allocation) - kvantlashdagi bitlarning taqsimlanishi, masalan: signalning kodlanayotgan qismi ko‘rsatgichlariga bog‘liq holda chastota diapazoni osti bo‘yicha.
Bloklar mosligi (inglizcha- Nock matching) - harakatni baholashning usullaridan biri bo‘lib, unda tanlangan kriteriyasi asosida, kodlanayotgan tasvirning har bir bloki (makroblok) uchun mos ravishda, tayanch tasvirning xuddi shunday o‘lchamli xududi topiladi.