Менежмент тадқИҚотларини ривожлантиришда ахборот-коммуникацион технологиялардан фойдаланиш

Фойдаланилган адабиётлар рўйхати.........................................................
Иловалар.........................................................................................................
КИРИШ
Магистрлик диссертацияси мавзусининг асосланиши ва унинг долзарблиги. Ҳозирги бошқарув жараёнларини ривожлантириш шароитида ахборот коммуникацион технологияларниг фаолияти бошқарув жараёнларининг муҳим омилларидан бири ҳисобланади. Ҳар бир ташкилот ёки фирманинг бошқарув шакли бор лекин ҳозирги замон билан ҳамнафасликда иш олиб бориш бошқарув жараёнларини енгиллаштиради ва такомиллаштиради.
Менежер вазифаларини рақамлаштириш иш унумдорлигини оширади. Кўриниб турибдики бунда бошқарувчи ҳар-бир бўлимни бориб назоратга олиб юриши шарт бўлмай қолади. Шу сабабдан иш унумдорлиги ортиб, менежер ҳам кўпроқ вақтини янги ғоялар ва ташкилот ривожи учун йўналтиради.
Шундан келиб чиққан ҳолда айтиш мумкинки, Ўзбекистон шароитида ҳам хозирги замон технологиялари билан иш олиб борган бошқарувчининг иш унумдорлиги бошқаларга нисбатан юқорироқ ҳисобланади.
Сабаби, бизнинг мамалакатда ҳам бошқарувни ривожлантиришга ахборот технологиялари ёрдамисиз эришиб бўлмайди.
Ахборот-коммуникация технологияларининг ривожланиши ахборотни қайта ишлаш ва узатиш учун янги турдаги техник воситаларнинг пайдо бўлиши, компютерлар ва шахсий компютерлардан фойдаланишнинг ташкилий шаклларини такомиллаштириш, инфратузилмани янги алоқа воситалари билан тўлдириш билан параллел равишда давом этди.
Ҳусусан Президентимизнинг ПФ-6119-сон 27.11.2020да қабул қилинган “Ўзбекистон Республикаси қурилиш тармоғини модернизация қилиш, жадал ва инновацион ривожлантиришнинг 2021-2025-йилларга мўлжалланган стратегиясини тасдиқлаш тўғрисида”ги фармонида, «Қурилиш тармоғида бошқарувнинг замонавий услубларини шакллантириш, лойиҳаларни амалга оширишда инвестициявий жозибадорликни ошириш ва инновацион ечимларни жорий этишга йўналтирилган ўзгаришларни амалга ошириш Стратегия мақсади ҳисобланади»¹. Шуни ҳисобга олган ҳолда яқин йилларда қурилишда ва бошқа соҳада бошқарувнинг замонавий, инновацион ва АКТ дан самарали фойдаланиш кўзда тутилмоқда.