Меҳнат жамоасининг умумий йиғилишида маъқулланган 2018 йил “ ”

ИЖТИМОИЙ СУҒУРТА, ИЖТИМОИЙ ИМТИЁЗ

ВА КАФОЛАТЛАР
9.1. Тарафлар қуйидаги шахсларга Ўзбекистон Республикаси Меҳнат кодексиниг тегишли моддаларида назарда тутилган кафолатларга риоя этиш ва имтиёзлар бериш мажбуриятини ўз зиммаларига оладилар:
а) 1941-1945 йиллардаги уруш қатнашчиларига тенглаштирилган шахслар учун (103, 144, 150 – моддалар);
б) атом объектларидаги фалокатлар оқибатларини бартараф этиш ишлари қатнашчилари ва уларга тенглаштирилган шахслар учун (103 – модда);
в) II гурух ногиронлари учун (68, 135, 143, 144, 150, 214, 220 – моддалар).
9.2. Иш берувчи қуйидаги миқдорларда меҳнатга вақтинча лаёқатсизлик нафақасини тўлаб бориш мажбуриятини ўз зиммасига олади. Байналмилал жангчилар ва уларга тенглаштирилган шахслар, қарамоғида 16 ёшга тўлмаган уч ҳамда ундан ортиқ фарзанди бор ходимлар, Чернобиль АЭСдаги ҳалокат натижасида радиоактив ифлосланган зонадан эвакуация қилинган ва кўчириб
келинган ходимлар, қон ҳосил қилувчи органлар касалликлари (ўткир лейкозлар), қалқонсимон без (аденома, саратон) касалликлари ҳамда хавфли ўсмалар билан боғлиқ касалликлар билан чалинган ходимларга, шунингдек меҳнатда майиб бўлиши ёки касб касаллиги натижасида вақтинча меҳнатга лаёқатсиз ходимларга – иш ҳақининг тўлиқ миқдорида тўланади.

9.3. Ижтимоий аҳамиятга молик касалликлар бўйича рўйхатда турувчи ходимларга уларнинг давлат ижтимоий суғуртаси бадалларини тўлаган даври (умумий иш стажи)га қараб – иш ҳақининг 60 фоиздан 100 фоизигача:

а) умумий иш стажи 8 йил ва ундан ортиқ бўлган ходимларга иш ҳақининг 100 фоизи миқдорида;
б) умумий иш стажи 5 йилдан 8 йилгача бўлган ходимларга иш ҳақининг 80 фоизи миқдорида;
в) умумий иш стажи 5 йилгача бўлган ходимларга иш ҳақининг 60 фоизи миқдорида тўланади.

Бошқа ҳолатларда:

а) умумий иш стажи 8 йил ва ундан ортиқ бўлган ходимларга иш ҳақининг 80 фоизи миқдорида;
б) умумий иш стажи 8 йилгача бўлган ходимларга иш ҳақининг 60 фоизи миқдорида тўланади.

9.4. Иш берувчи томонидан 2 ёшгача бола парваришлаш нафақасида бўлган ходимларга амалдаги энг кам иш ҳақининг 2 баравари миқдорида нафақа тайинланади.

Қуйидаги ҳолатларда тайинланган нафақа берилиши тўхтатилади:
а) бола 2 ёшга тўлганда;
б) ходим ишга чиққанда.

9.5. Иш берувчи ходимларни йилда камида бир марта эпидемия хавфи мавжуд бўлган касалликлардан банк ҳисобидан эмлаб бориш мажбуриятини ўз зиммасига олади.

9.6. Иш берувчи ишлаётган персионерларга ўтган ой учун пенсияни ойнинг иккинчи ярми учун тўланадиган иш ҳақи билан бир вақтда тўлаб бориш мажбуриятини ўз зиммасига олади (Адлия вазирлигида 2011 йил 30 апрелда 2222-рақам билан рўйхатга олинган “Ишловчи пенсионерларга пенсия тўлаш тўғрисида”ги Низомга биноан).

9.7. Касаба уюшмаси қўмитаси ҳисоб рақамидаги мавжуд маблағлар ҳисобидан молиявий имкониятдан келиб чиқиб, белгиланган тартибда яъни банк ходими аризасига биноан Ўзбекистон Республикасида ўрнатилган энг кам иш ҳақининг 2 бараваригача бўлган миқдорда моддий ёрдам кўрсатиши мумкин. Бунда моддий ёрдам миқдори ходимнинг моддий аҳволи ҳамда ажратиладиган моддий ёрдамнинг мақсадидан келиб чиққан ҳолда белгиланади.

9.8. Касаба уюшмаси қўмитаси ҳисоб рақамидаги мавжуд маблағлар ҳисобидан навбатдаги меҳнат таътили давомида даволанган ходимга даволаниш харажатларининг қоплаб берилиши мумкин. Бунда тўланадиган маблағ Ўзбекистон Республикасида ўрнатилган энг кам иш ҳақининг 10 бараваригача бўлган миқдоридан ошмайди.

9.9. Ўсиб келаётган ёш авлодга ғамхўрлик кўрсатиш мақсадида Касаба уюшмаси қўмитаси ўз маблағлари ёки иш берувчининг маблағлари ҳисобидан қуйидаги мажбуриятларни зиммасига олиши мумкин:

а) ходимлар фарзандларига ҳар йили янги йил совғаларини банк томонидан топширилишини ташкил этиш;
б) ходимлар фарзандларини болалар соғломлаштириш оромгоҳларида дам олиш харажатларининг бир қисмини тўлаб бериш.

8.