Меҳнат жамоасининг умумий йиғилишида маъқулланган 2018 йил “ ”

МЕҲНАТ ИНТИЗОМИ

1. 
   Ходимлар томонидан меҳнат вазифаларининг бажарилиши меҳнат шартномалари, таркибий бўлинмалар тўғрисидаги низомлар ва уларга илова қилинган лавозим мажбуриятлари, банк Устави ҳамда Ички меҳнат тартиби қоидаларига биноан таъминланиши ва назорат қилинишини тарафлар ўз зиммаларига олади.
   

2. 
   Касаба уюшмаси қўмитаси илова қилинган Ички меҳнат тартиби қоидаларига, меҳнат интизомига риоя этилишига, меҳнат вазифаларини ўз вақтида ва сифатли бажарилишига кўмаклашиб боради (1-илова).
   

3. 
   Ходимлар Ички меҳнат тартиби қоидаларига, банк томонидан тасдиқланган ахлоқ-одоб қоидаларига ҳамда кийиниш тартибига амал қилиши шарт.
   
4. 
   Иш берувчининг ташаббуси билан ходим томонидан ўз меҳнат вазифаларини бир марта қўпол равишда бузганлиги учун меҳнат шартномасини бекор қилиш асослари:
   

а) ишга узрсиз сабаблар билан чиқмаслик (ишда узрсиз сабаблар билан иш куни мобайнида узлуксиз ёки вақти вақти билан жами – уч соатдан кўпроқ бўлмаганлик);
б) ишга маст ҳолда, гиёҳванд ёки токсик моддаларни қабул қилган ҳолда келиш ҳамда иш жойида истеъмол қилиш;
в) банк мулкини ўғирлаш, талон-тарож қилиш ва ўзлаштириш;
г) хизмат мавқеидан ўз манфаати йўлида фойдаланиш, уни суистеъмол қилиш;
д) банк, тижорат ёки бошқа хизмат сирларини ошкор қилиш;
е) сохта ҳужжатлар тайёрлаш;
ё) пул ёки товар бойликлари билан бевосита ишлайдиган ходимлар томонидан хизмат вазифаси билан боғлиқ ноқонуний хатти-ҳаракат ёхуд ҳаракатсизлик содир этиш;
ж) ўз ҳаракати ёки ҳаракатсизлиги туфайли банкка моддий зарар етказиш;
з) мижозлар ва бошқа фуқаролардан мукофот тариқасида пора талаб қилиш ёки таъмагирлик қилиш;
и) била туриб ҳужжатларни нотўғри расмийлаштириш, ҳисобот, статистик, бухгалтерия маълумотлари ва бошқа ёзишмаларни қасддан бузиб кўрсатиш;
й) тўлов ёки ҳисобот ҳужжатларини, катъий ҳисобот бланкларини, хизмат кўрсатилаётган мижозлар ҳужжатларини атайлаб йўқотиш;
к) ходимлар томонидан банк фаолиятини юритишда банк ва амалдаги қонунчилик талабларини қўпол равишда бузиш, банкнинг молиявий аҳволига ҳамда обрўсига салбий таъсир кўрсатса ёки банк кўрсаткичлари сезиларли даражада ёмонлашса;
л) мансабдор шахслар томонидан ходимларнинг меҳнат ҳуқуқи ёки Агробанк манфаатларининг бузилишига сабаб бўлувчи меҳнат қонунчилиги талабларига хилоф иш қилиш;
м) банк томонидан тасдиқланган одоб-ахлоқ қоидаларига амал қилмаслик;
н) банк фаолияти билан боғлиқ жиноят иши бўйича ходимга нисбатан ҳукм чиқарилганда.