Меҳнат жамоасининг умумий йиғилишида маъқулланган 2018 йил “ ”

Иш берувчи ходимларни таркибий тузилма, филиал тугатилганда ишдан озод этиш ёки қисқартириш эҳтимоли тўғрисида камида икки ой олдин Касаба уюшмаси қўмитасига ва Меҳнат органига ҳар бир ходимнинг касби, мутахассислиги, малакаси ва меҳнат ҳақи миқдорини кўрсатган ҳолда хабар қилиш ва ишдан озод этиш оқибатларни енгиллаштиришга қаратилган маслаҳатли тадбирларни амалга ошириш мажбуриятини ўз зиммасига олади. Иш берувчи шунингдек камида икки ой олдин ҳар бир ходимнинг касби, мутахассислиги, малакаси ва меҳнат ҳақи миқдорини кўрсатган ҳолда, бўлажак ишдан озод қилиш тўғрисидаги маълумотларни маҳаллий меҳнат органига ҳам маълум қилиш мажбуриятини ўз зиммасига олади.

3.15. Ходимлар сони қисқартирилаётганда қисқартириш оқибатларини юмшатишга қаратилган қуйидаги чоралар назарда тутилади:

а) ўриндошликни, вақтинча ишлайдиган ходимлар сонини чеклаш, бир неча касбда ишлашни тақиқлаш;
б) ходимларнинг хохишига кўра уларга иш ҳақи сақланмаган ҳолда қисқа муддатли таътиллар бериш;
в) қисқартириш тўғрисидаги огоҳлантириш амал қилаётган даврда ходимнинг ўз хохиши билан меҳнат шартномасини бекор қилинишини томонлар келишувига биноан огоҳлантириш муддатига мувофиқ келадиган пуллик компенсация тўлаш билан амалга ошириш;
г) ходимлар сони қисқартирилиши муносабати билан меҳнат шартномаси бекор қилиниши тўғрисида огоҳлантириш олган ходимга огоҳлантириш муддати давомида ўзига қулай вақтда бошқа иш қидириш учун ҳафтада бир иш кун, шу вақт учун иш ҳақи сақланган ҳолда ишга чиқмаслик ҳуқуқини бериш.
3.16. Меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқариши муносабати билан меҳнат шартномаси бекор қилинганда ишда қолдириш учун имтиёзли ҳуқуқ малакаси ва меҳнат унумдорлиги юқорироқ бўлган ходимларга берилади.
Малакаси ва меҳнат унумдорлиги бир хил бўлган тақдирда қуйидагиларга афзаллик берилади:
а) қарамоғида икки ва ундан ортиқ киши бўлган ходимларга;
б) оиласида ундан бўлак мустақил иш ҳақи олувчи бўлмаган шахсларга;
в) Агробанкда кўп йиллик иш стажига эга бўлган ходимларга;
г) 1941-1945 йиллардаги уруш қатнашчиларига имтиёзли жиҳатидан тенглаштирилган шахсларга.

4.