Меҳнат жамоасининг умумий йиғилишида маъқулланган 2018 йил “ ”

Тошкент вилоят бошқармасининг
ички меҳнат – тартиби
Қ О И Д А Л А Р И

Тошкент 2018 йил


Мундарижа:
I боб. Умумий қоидалар
II боб. Меҳнат шартномаси (контракти)ни тузиш, ўзгартириш ва бекор
қилиш тартиби
III боб. Меҳнат интизомини таъминлаш ва жавобгарлик
IV боб. Иш вақти ва дам олиш вақти
V боб . Меҳнат шартномаси томонлари ўртасидаги низоларни ҳал этиш

Ушбу қоидалар Ўзбекистон Республикасининг Меҳнат кодекси, “Банклар ва банк фаолияти тўғрисида”ги Қонуни, Адлия вазирлигида 1999 йил 14 июнда 746-сон билан рўйхатга олинган “Идоравий мансублиги, мулкчилик ва хўжалик юритиш шаклларидан қатъий назар корхона, муассаса, ташкилот ички меҳнат тартибининг намунавий Қоидалари” банкнинг Устави ҳамда Жамоа шартномаси талабларига мувофиқ ишлаб чиқилган.

I–боб. Умумий қоидалар

1-§. Умумий тушунчалар

2-§. Иш берувчининг мажбуриятлари
3-§. Ходимларнинг мажбуриятлари


1-§. Умумий тушунчалар

1. 
   Ушбу Қоидалар Ўзбекистон Республикасининг Меҳнат кодекси ва меҳнат тўғрисидаги бошқа қонун ҳужжатларига мувофиқ ишлаб чиқилган бўлиб, меҳнат шартномасини тузиш, ўзгартириш ҳамда бекор қилишни, иш вақти ва дам олиш вақтидан фойдаланишни, меҳнат интизомини ҳамда банк (бундан кейин “иш берувчи” деб юритилади) билан ходимлар ўртасида юзага келадиган бошқа ҳуқуқий муносабатларни тартибга соладиган асосий меъёрий ҳужжат ҳисобланади.
   

2. 
   Қоидалар банкнинг Касаба уюшмаси қўмитаси билан келишиб, тасдиқланган кундан бошлаб кучга киради ва банк тизимида қўлланилади.
   

3. 
   Мазкур қоидаларга риоя қилиш банк ходимлари учун мажбурий ҳисобланади, уни бажармаслик қонунчиликда белгиланган тартибда жавобгарликка тортиш учун асос бўлиб хизмат қилади.