Меҳнат жамоасининг умумий йиғилишида маъқулланган 2018 йил “ ”

1-§. Ишга қабул қилишга оид масалалар

6. 
   Ишга қабул қилиш банкка тўғридан-тўғри мурожаат қилиш ёки меҳнат бўйича органларнинг бепул воситачилиги орқали амалга оширилади.
   

7. 
   Банк тизимида ишга қабул қилишга ўн олти ёшдан бошлаб рухсат берилади. Ўн саккиз ёшга етмаган шахсларни ишга қабул қилиш Ўзбекистон Республикаси Меҳнат кодексининг 241-моддасида назарда тутилган талабларга риоя этган ҳолда амалга оширилади.
   

2-§. Ишга кириш учун тақдим этиладиган ҳужжатлар

8. 
   Ишга қабул қилинаётганда ишга кирувчи қуйидаги ҳужжатларни тақдим этиши шарт:
   

а) паспорт (ёки унинг ўрнини босувчи ҳужжат);
б) чет эл фуқаролари паспортдан ташқари Ўзбекистон Республикасида яшаш гувоҳномасини тақдим этишлари шарт;
в) фуқаролиги бўлмаган шахслар эса фуқаролиги йўқ шахснинг гувоҳномаси ва Ўзбекистон Республикасида яшаш учун гувоҳномани тақдим этадилар;
г) меҳнат дафтарчаси, ишга биринчи марта кираётган шахслар бундан мустасно. Ўриндошлик йўли билан ишга кираётган шахс меҳнат дафтарчасининг ўрнига асосий иш жойидан маълумотнома тақдим этиши керак;
д) олий, ўрта-махсус ёки ўрта маълумотга эга эканлигини тасдиқловчи давлат намунасидаги ҳужжат;
е) ҳарбий хизматга мажбурлар ҳарбий гувоҳномани, чақирилувчилар ҳарбий ҳисобда турганлик ҳақидаги гувоҳномани.

9. 
   Иш берувчи ишга кираётган шахслардан мазкур Қоидаларнинг 8-бандида қайд этилган ҳужжатлардан ташқари бошқа ҳужжатларни талаб қилишга ҳақли эмас, қонун ҳужжатларида назарда тутилган ҳолатлар бундан мустасно.
   

3-§. Ишга қабул қилинишига йўл қўймайдиган ҳолатлар

10. 
    Қуйидаги ҳолатларда ишга қабул қилишга йўл қўйилмайди:
    

а) мазкур қоидаларнинг 8-бандида қайд этилган ҳужжатлар бўлмаганда;
б) шахс ўн олти ёшга тўлмаганда;
в) тиббий кўрикдан ўтиш қонунчиликда кўзда тутилган ҳолатларда тиббий кўрикдан ўтмаган шахслар, шунингдек тиббий хулосага мувофиқ мазкур ишни бажаришга соғлиғининг ҳолати йўл қўймайдиган ходимлар;
г) суд ҳукмига кўра муайян лавозимни эгаллаш ёки унинг бажариши тақиқланган ишда муайян фаолият билан шуғулланиш ҳуқуқидан маҳрум қилинган шахслар;
д) агар уларнинг иши бевосита бўйсуниш ёки бирининг иккинчиси назорати остида бўлиш билан боғланган бўлса, ўзаро яқин қариндош бўлган шахслар (ота-оналар, ака-укалар, опа-сингиллар, ўғиллар, қизлар, эр-хотинлар, шунингдек эр-хотинларнинг ота-оналари, ака-укалари, опа-сингиллари ва фарзандлари);
е) қонунчиликда кўзда тутилган бошқа ҳолатларда.