Меҳнат жамоасининг умумий йиғилишида маъқулланган 2018 йил “ ”

§. Ишга қабул қилиш билан боғлиқ масалалар

21. 
    Иш берувчи қуйидаги ҳолатларда ишга қабул қилишдан бош тортишга ҳақли эмас:
    

а) агар рад этиш ходимнинг амалий хислатлари билан боғлиқ бўлмаган сабаблар бўйича амалга оширилган бўлса;
б) иш берувчининг ўзи томонидан ишга таклиф қилинган шахсларни;
в) жойлардаги давлат ҳокимияти органи томонидан корхонага белгиланган энг кам миқдордаги иш ўринлари ҳисобига ишга маҳаллий меҳнат органлари юборган бошқа шахсларни;
г) ҳомиладор ва 3 ёшгача болалари бўлган аёлларни (тегишинча уларнинг ҳомиладорлиги ёки боласи борлигини важ қилиб);
д) қонунда кўзда тутилган бошқа ҳолатларда.

22. 
    Ходим ишга қабул қилиш рад этилганлигининг сабабларини ёзма равишда асослашни талаб қилишга ҳақлидир. Иш берувчи уч кун ичида унга ёзма асос кўрсатиши шарт, ҳомиладор ва уч ёшга боласи бўлган аёлларга иш берувчи, агар улар шундай талаб билан мурожаат қилмаганлари тақдирда ҳам ишга қабул қилишни рад этишни сабабини ёзма шаклда хабар қилади.
    

23. 
    Ишга қабул қилиш ғайриқонуний равишда рад этилганда ходим назорат қилувчи органга ёки судга шикоят қилишга ҳақлидир.
    

24. 
    Ишга қабул қилиш пайтида меҳнат шартномасида дастлабки синов шарти ишга қабул қилиш тўғрисидаги буйруқда акс эттирилади. Бироқ дастлабки синов билан ишга қабул қилинган ходимнинг меҳнат дафтарчасида дастлабки синов тўғрисидаги шартлар кўрсатилмаган ҳолда ишга қабул қилиш тўғрисида ёзилади.
    

25. 
    Дастлабки синов муддати уч ойдан ошмайдиган муддатга белгиланиши мумкин. Дастлабки синов муддатининг аниқ давомийлиги (уч ой доирасида) меҳнат шартномаси томонларининг келишуви бўйича белгиланади.
    

26. 
    Томонлар тарафидан синов муддати белгиланган даврда иш берувчи ҳам, ходим ҳам меҳнат шартномасини бекор қилиб, бу ҳақда бошқа томонни уч кун олдин ёзма равишда огоҳлантиришга ҳақлидир. Бунда иш берувчи синовнинг қониқарсиз натижаси хусусида ишончли исботларга эга бўлиши керак. Ходим эса ишни давом эттиришдан бош тортиш сабабини иш берувчига тушунтиришга мажбур эмас.
    

27. 
    Агар томонлар тарафидан белгиланган синов муддати тугагунга қадар томонларнинг бирортаси меҳнат шартномасини бекор қилиш тўғрисида баёнот бермаса, шартноманинг амал қилиши давом этади.
    

28. 
    Ходим узрли сабаблар билан (вақтинчалик меҳнатга лаёқатсизлик, ҳарбий йиғинларда қатнашиш, донорлик вазифаларини бажариш, суд маслаҳатчиси сифатида судда қатнашии ва ҳ.к.) ишда бўлмаган даврлар дастлабки синов муддатига киритилмайди.
    

29. 
    Дастлабки синов шарти билан ишга қабул қилинган ходим бошқа ходимлар билан баравар меҳнат қонунчилигида белгиланган барча ҳуқуқлардан фойдаланади ва жавобгар бўлади.
    

30. Қуйидагиларга нисбатан ишга қабул қилиш пайтида синов муддатини белгилашга йўл қўйилмайди:

а) ҳомиладор аёллар, шунингдек уч ёшгача фарзанди бўлган аёлларга;
б) корхона учун белгиланган иш жойларининг энг кам миқдори ҳисобига маҳаллий меҳнат органлари томонидан ишга юборилган шахсларга;
в) меҳнат шартномаси 6 ойгача муддатга тузиладиган ходимларга;
г) ўрта-махсус ҳамда олий ўқув юртларининг тегишли таълим муассасасини тамомлаган кундан эътиборан уч йил ичида биринчи бор ишга кираётган битирувчилари ишга қабул қилинганда.
Ходим банк тизимида бошқа лавозимга тайинланганида дастлабки синов белгиланмайди.