Меҳнат жамоасининг умумий йиғилишида маъқулланган 2018 йил “ ”

2-§. Дам олиш вақти, навбатчилик ва иш вақтидан
ташқари ишлашга оид масалалар

31. 
    Иш шароитларига кўра тушки танаффус вақтини белгилаш мумкин бўлмаган ҳолатларда ходимларга овқатланиш учун иш вақтида камида 30 минут берилади. Бундай ишлар рўйхати, овқатланишнинг бошланиш ва тугаш вақти ҳамда жойини иш берувчи касаба уюшмаси қўмитаси билан келишган ҳолда тасдиқланган навбатчилик жадвалига биноан белгиланади.
    

31. 
    Навбатчилик жадвали билан рўйхатдаги ходимлар 2 кун олдин ёзма равишда таништирилиши лозим.
    

31. 
    Ходим учун белгиланган кундалик иш (саккиз соатдан) муддатидан ташқари ишлаш иш вақтидан ташқари иш деб ҳисобланади. Иш вақтидан ташқари меҳнат қилишга фақат ходимнинг розилиги билан йўл қўйилади.
    

31. 
    Иш вақтидан ташқари ишнинг муддати ҳар бир ходим учун сурункасига икки кун давомида тўрт соатдан ва йилига 120 соатдан ортиқ бўлмаслиги лозим.
    
32. 
    Иш вақтидан ташқари ишлашга қуйидагиларга рухсат берилмайди:
    

а) иш вақти 12 соатни ташкил этадиган ходимлар;
б) 18 ёшгача бўлган ходимлар.

31. 
    Ходимларнинг айрим тоифаларини дам олиш ва байрам (ишланмайдиган) кунларида ишга жалб этишга фақат фавқулодда ҳолатларда банк раҳбарияти (иш берувчи)нинг ёзма фармойиши билан йўл қўйилади.
    

31. 
    18 ёшгача бўлган шахсларни тунги ишларга ҳамда дам олиш ва байрам кунларида ишлашга жалб этиш тақиқланади. Ногиронлар, ҳомиладор аёллар ва 14 ёшгача болалари бўлган аёллар кўрсатилган ишларга фақат уларнинг розилиги билан жалб қилиниши мумкин.
    

Бунда ногиронлар бундай ишлар тиббий тавсиялар билан уларга тақиқланмаслиги шарти билан жалб этилади. Шунга ўхшаш тиббий тавсияси бўлган ва ўзи розилик билдирган ҳомиладор аёллар ҳамда уч ёшгача болалари бўлган аёллар тунги ишларга жалб этилиши мумкин.

31. 
    Иш вақтидан ташқари, дам олиш ва байрам (ишланмайдиган) кунларидаги меҳнатга ҳақ тўлаш ва компенсация амалдаги қонунчиликка мувофиқ амалга оширилади.