Media nazariyasi va amaliyoti kafedrasi

Tadqiqotning maqsad va vazifalari: Bitiruv malakaviy ishidan koʻzlangan bosh maqsad – bolalar jurnalistikasi, xususan bolalar nashrlarining ijodiy jarayonlari tahlilini oʻrganish hisoblanadi.
Shundan kelib chiqib quyidagi vazifalar belgilandi:
— Oʻzbekistonda bolalar jurnalistikasining paydo boʻlishi va rivojlanish bosqichlarini tahlil qilish;
— bolalar jurnalistikasining oʻziga xos xususiyatlarini aniqlash;
— milliy va xorij bolalar matbuotida ijodiy va texnik jarayonlarni tahlil etish;
— “Dono Word”, “Мурзилка” nashrlari misolida bolalar nashrlari ruknlari, mavzulari, til xususiyatlari, dizayni jihatidan materiallarni oʻrganish.
Ilmiy ishning nazariy-metodologik asosi va tadqiqot usullari: Ilmiy ishni tayyorlashda observatsion (kuzatuv) metodidan foydalanildi.
Mavzuning oʻrganilganlik darajasi: Bolalar jurnalistikasi tadqiqiga doir ilmiy-tadqiqotlarni rivojlangan mamlakatlar miqyosida sharhlash maqsadga muvofiqdir. AQSH va Gʻarbiy Yevropa olimlari bolalar jurnalistikasi taraqqiyoti bilan faol ravishda shugʻullanmoqdalar. Ushbu yoʻnalishda tadqiqot olib borayotgan xorijiy olimlar: L.Patterson, M.Escamilla, S.Robberson, O.Ye.Koxannaya, G.L.Kapustina, N.A.Didkovskaya, N.L.Kulakova, I.N.Medvedova, K.Tyurina, A.A. Tepliskaya, A.G.Kochatko, D.I.Kosolapova, D.I.Masnikovoy, O.V.Pozdiyakova, S.A.Petrova, O.V.Pinchuk, O.Yu.Latishev, G.L.Kapustina, A.I.Savenkov, M.V.Voropayev, L.S.Silchenkova. Ye.N.Leonovich, N.N.Svetlovskaya, A.Zasyadko, D.A.Jukova, N.I.Stadnichenko kabilar masalaning subyektiv aspektlarini, bolalar jurnalistikasini taraqqiy etilishini ilmiy-nazariy jihatdan tadqiq etishgan. Oʻzbekistonda bolalar adabiyoti boʻyicha oʻzbek bolalar publitsistikasi va sheʼriyati oʻrganilgan. Bugungi kunda mamlakatimizda bolalar jurnalistikasi yoʻnalishi boʻyicha izlanishlarni H.Yoqubov, Gʻ.Jahongirov, O.Safarov, S.Irisxoʻjayeva, R.Barakayev, Q.Qahramonov, Z.Ibrohimova, B.Jalilova, K.Turdiyeva, N.Qosimova, N.Toshpoʻlatova va J.Marziyayev, M.Yunusov, N.Mirzayeva, E.Otaqulova singari oʻzbek olimlarining ishlarida koʻrish mumkin. Muammoni ochib berishda esa sohaning ilmiy-nazariy masalalariga bagʻishlangan mahalliy olimlarning asarlari asosiy manba vazifasini bajargan. Ular ishimizda asosiy manba sifatida xizmat qiladi.