Mebel dizayni uchun zamonaviy materiallar

DVP (Древесно-Волокнистая Плита) – yog’och tolali plita bo’lib, u ham DSP kabi yog’och chiqindilarini preslab yelimlash orqali tayyorlanadi. Bu xom ashyoning ko’rinishi kartonni eslatganligi sababli ayrimlar uni presslangan karton ham deb atashadi. DVP plitalarini to’liq xom ashyo deb atab bo’lmaydi, shuning uchun mebelning orqa tomoniga devor sifatida, kreslolar, stullar, shkafdagi tortmalarning pastki qismlariga qo’llash uchun to’g’ri keladi.
Faner – bu ko’p qavatli yog’och varaqlarni bir biriga yopishtirib tayyorlanadigan xom ashyo. Faner mebel ishlab chiqarish sanoatida asosiy xom ashyo hisoblanmaydi shu sababli bu xom ashyodan ham shkaflarning orqa yuzasi, tortmasimon yashiklarning yon tomonlarini tayyorlashda va boshqalarda ishlatiladi. U qimmat narxga ega emas.
Rotang. Rotang Osiyoning janubiy-g’arbiy mamlakatlari (Malayziya va Osiyo)dagi tropik o’rmonzorlarda o’suvchi rotang palmasining qayta ishlanishi natijasida olinadigan tabiiy xom ashyodir. Rotang chidamliligi va plastikliligi yuqori bo’lgan material bo’lib, uning uzun bo’lgan shoxlaridan turli xil shakldagi mebelni yaratish imkonini beradi. Xitoy, Indoneziya va Malayziya kabi mamlakatlar rotang xom ashyosidan mebel ishlab chiqaruvchi asosiy davlatlar hisoblanadi.
Rotang xom ashyosidan tayyorlangan mebellarning ijobiy tomonlari ekologik toza maxsulot bo’lganligi sababli inson sog’lig’iga zararsiz, qulay, xavfsiz, uzoq muddatga xizmat qiladi. Odatda bu xom ashyodan ishlangan mebel kamida 15-20 yillar davomida xizmat qiladi. Rotang tabiiy ranglari to’rt xil rangda bo’ladi, bular: zaytun rang, och jigar rang, to’q jigar rang va tilla rang. Sanab o’tilgan ranglarning barchasi yoqimli rang bo’lganligi sababli bu xom ashyoni boshqa bir rangga bo’yash ham talab etilmaydi. Ammo ba’zi mebel do’konlarida rotang maxsulotidan tayyorlangan va to’q rangga bo’yalgan mebellarni ko’rishimiz mumkin, buning sababi xom ashyoda bo’lgan ba’zi bir kamchiliklarni yashirish maqsadida qilingan bo’ladi!