Mebel dizayni uchun zamonaviy materiallar

Plastik. Plastik sun’iy material bo’lib, turli xildagi uy-ro’zg’or buyumlarini ishlab chiqarishda ishlatiladi. Bunday materialdan og’irlik jihatidan yengil va narx jixatidan arzon mebel tayyorlanadi. Bunday mebellarni qo’llanilish sohasi asosan yuvinish xonalaridir. Sababi bunday xonalarda namgarchilik, suv ko’p bo’ladi va aynan plastikdan ishlangan jixozlar o’zining asl ko’rinishini yo’qotmaydi. Plastikdan xohlagan konstruksiyadagi shaklni tayyorlash mumkin. Ishlab chiqarish jarayoni katta sarmoyalarni talab qilmaydi, texnologik jihatdan sodda. Bularning barchasi uning ijobiy tomoni hisoblanadi.
Kamchiligi esa mo’rtligi, yoqimsiz tashqi ko’rinishga egaligi va kam muddat xizmat qilishidadir. Texnika va texnologiyalarning rivojlanishi sabab bugungi kunda plastikning mukammal turlari ishlab chiqarilayapti. Ular yuqorida keltirilgan kamchiliklardan holi va tabiiyki narx jihatidan ham qimmatroqdir.
Qayta ishlangan yog'och chiqindilari. Hammamizga ma’lumki mebel ishlab chiqarish uchun eng yaxshi xom ashyo bu yog’ochdir. Yog’och tabiiy material bo’lganligi uchun undan ishlab chiqarilgan mebellarning narxi qimmat bo’lishiga qaramay unga bo’lgan talab yuqoridir.
Bugungi kunda o’rmonlar maydoni sezilarli kamaymoqda, shu sababli mebel ishlab chiqarish sanoatida yog’ochning chiqindisidan foydalanish rivojlandi. Yog’och qipig’i va yog’ochning boshqa qirindisidan turli xil sifatdagi materiallar (yog’och plitalar) tayyorlanmoqda. Quyida bunday yog’och plitalarning afzallik va kamchilik tomonlarini sanab o’tamiz. Afzalligi:

• 
  tabiiy resurslarni saqlash;
  
• 
  xamyonbopligi;
  
• 
  ishlab chiqarish jarayonining yengilligi;
  
• 
  bu materialdan tayyorlangan mebelning ko’rinishi ijobiyligi.
  

Kamchiligi:

• 
  undan noodatiy shakllar hosil qilib bo’lmaslik, bukilmasligi;
  
• 
  mustahkamlovchi elementlarni yaxshi ushlamasligi;
  
• 
  ayrim turlarini qayta ta’mirlab bo’lmasligi.
  

Endi esa yog’och plitalarining turlari haqida to’xtalib o’tamiz.