Mebel dizayni uchun zamonaviy materiallar

Asosiy qism
Metal qotishmalar. Mustahkam, zamonaviy, metal materialidan nafislik bilan ishlov berilgan mebellarni hamma joyda uchratish mumkin. Ular ko'pincha ofislar, kasalxonalar, banklar, restoranlar, kvartiralarning interyerini bezash uchun ishlatiladi. Zamon rivojlanishi bilan ishlab chiqaruvchilar metaldan juda ixcham, yengil buyumlar yasashni o'rgandilar. Ilgari ular katta hajmli bo’lganligi uchun bunday xom ashyodan tayyorlangan mebellar talabgor emas edi.
Metaldan nafislik bilan ishlangan mebellar bir qator rad etib bo’lmaydigan afzalliklarga ega. Ular quyidagilar:

• 
  Turli xil zararlarga chidamli. Metalni sindirish, shikastlash uchun yaxshigina harakat qilish kerak. Shu sababli, bunday xom ashyodan ishlangan mebelni odamlar oqimi ko’p bo'lgan joylar masalan, kafe va restoranlarda ko’proq qo’llashadi.
  
• 
  Metaldan ishlangan mabellar o'nlab yillar davomida xizmat ko'rsatishga qodir, ko'pchiligi o'z egasining bir necha avlodlariga xizmat qiladi.
  
• 
  Bunday xom ashyo korroziyaga uchramaydi. Zamonaviy metal qotishmalar namlikka ancha chidamli.
  

Metaldan ishlangan zamonaviy, ixcham mebellarning asosiy kamchiligi uning narxini qimmatligidadir.
Shisha. Interyer dizaynerlari va xaridorlar orasida shishadan ishlangan mebellar yaxshigina mashxurlikga erishmoqda.
Yaqin kunlargacha mebel ishlab chiqarish sanoatida shishadan mebelning alohida elementi sifatida foydalanilardi. Undan taxmon, eshik, oyna kabi detallar yasalgan. Bugungi kunda shishaning qo’llanilish sohalari kengaydi, shisha stollar, taxmonlar, shkaflar xonadon, ofis, ishxonalarning interyerlarida munosib o’rinni egallamoqda.
Mebel ishlab chiqaruvchilar odatda shishani turli xil materiallar bilan kombinatsiyalashadi ya’ni bir-birini moslab bir butunlikdagi jixozni ishlab chiqarishadi.
Shisha xom ashyosi ko’pgina ijobiy xususiyatga ega:

• 
  Kichik o’lchamdagi muhitni vizual ravishda kattalashtiradi;
  
• 
  Boshqa xom ashyolarga nisbatan vazni yengil bo’lganligi sababli muhitga yengillik ifodasini beradi;
  
• 
  Yetarlicha mustahkam;
  
• 
  Sog’liq uchun mutlaqo zararsizdir.
  

Interyerni zamonaviy jixozlashning qulay predmeti shishadan yasalgan mebellardir. Albatta har bir narsaning ijobiy tomoni bo’lganidek uning salbiy tomoni ham bo’ladi. Shishadan yasalgan mebellarning asosiy muammosi mexanik shikastlanishlarga chidamsizligidir. Belgilangan massadan ko’p og’irlik, keskin zarba, balandlikdan tushirib yuborish kabilar nafislik bilan ishlangan mebelni ayanchli holatga kelishiga sabab bo’ladi.
Tosh. Mebel ishlab chiqarish sanoatidagi eng yorqin, original xom ashyolardan biri tosh hisoblanadi. Undan landshaft muhiti uchun skameykalar, ajoyib stollar, bar uchun stoykalar va deraza tokchalari yasaladi. Bu uchun turli xil sun’iy toshlardan foydalaniladi.
Tosh bir nechta afzallik tomonlarga ega:

• 
  Tosh tabiiy material bo’lganligi sababli o’zidan havoga hech qanday zararli moddalarni chiqarmaydi. Shu sababli mebel xaridida e’tibor qaratish kerak bo’lgan muhim sifat hisoblanadi;
  
• 
  Toshdan ishlangan mebellarning yuzasi turli xil kirlarni, yog’larni o’ziga shimmaydi, shu sababli ularni oshxona mebelining ish stollari uchun ishlatish maqsadga muvofiq bo’ladi;
  
• 
  Mexanik shikastlanishlarga o’ta chidamli.
  

Tosh ham boshqa xom ashyolar kabi bir nechta kamchiliklarga ega. Uning eng katta kamchiligi bu uning narxini qimmatligidadir.