Mavzusidan metodik tavsiya

Amir Temur o`gitlari
Ishbilarmon, mardlik va shijoat sohibi, azmi qat`iy, tadbirkor va xushyor bir kishi, ming-minglab tadbirsiz, loqayd kishilardan yaxshidir.
Adolat va insof bilan tangrining yaratgan bandalarini o`zimdan rozi qildim. Gunohkorga ham, begunohga ham rahm qilinib, haqqoniyat yuzasidan hukm chiqardim. Xayr-ehson ishlarim bilan odamlar ko`nglidan joy oldim.
Zolimlardan mazlumlar haqqini oldim. Zolimlar yetkazgan ashyoviy va jismoniy zararlarni isbotlaganimdan keyin, ularni shariatga muvofiq odamlar o`rtasida muhokama qildim va bir gunohkorning o`rniga boshqasiga jabr-zulm o`tkazmadim.
Menga yomonlik qilib,boshim uzra shamshir qaytarib, ishimga ko`p ziyonyetkazganlari ham, iltijo bilan tavba-tazarru qilib kelgach, hurmalab yomon qilmishlarini xotiramdan o`chirdim. Martabalarini oshirdim. Ular bilan muomalada shunday yo`l tutdimki, agar xotiralarida menga nisbatan shubha-yu qo`rquv bo`lsa unut bo`lardi.
Shijoatli kishilarni do`st tut, chunki tangri taollo jasur kishilarni ardoqlaydi.


MAVZU: AMIR TEMUR VA TEMURIYLAR DAVRI MADANIYATIDA ME`MORCHILIK SAN`ATI, XALQ HUNARMANDCHILIGI.
(integratsiyalashgan dars ishlanma)
Dars maqsadlari:
Ta`limiy: Me`morchilik san`atida musavvirlik, milliylik, ilm ma`rifat, xalq hunarmandchiligi va adabiyot rivoji haqida o`quvchilarga ma`lumot berish;
Tarbiyaviy: O`quvchilarda milliy g`urur tuyg`usini uyg`otish uchun milliy qadriyatlarimizni o`rgatishga undash. O`zaro hamkorlik hurmat, faollik va ishchanlik shakllantirish orqali o`quvchilar his-hayajonini oshirish.
Rivojlantiruvchi: O`quvchilarni xalq amaliy san`ati, badiiylik, musavvirlik, tarixiylik, milliy o`ziga xoslikni tushuntirish orqali o`quvchilarni tabiat va jamiyatdagi hamda san`atdagi bog`liqlikni bilishga o`rgatish. Naqqoshlik, o`ymakorlik san`ati nafosatini tushunishga usta me`morchilik hunarini egallashga qiziqtirish.
Darsning shiori: Kimki tutmas qalbida o`tmishini,
U inson ham emas, olim ham emas.
Agar kimki o`qisa tarixini,
Ko`p boyitar o`z hayot turmushini.