Mavzumuning dolzarbligi

II. 2. Boshlang’ich sinf o’quvchilari ma’naviy-axloqiy tarbiyasida bolalar ijtimoiy tashkilotlari faoliyat mazmuni.

Har qanday ishda reja bo’lgani kabi, maktab «Kamolot» yoshlar ijtimoiy harakati boshlang’ich tashkiloti va «Kamalak» Bolalar tashkilotining ishini ham puxta o’ylab tuzilgan ish rejasiz tasavvur qilib bo’lmaydi. Negaki, reja ishning maqsadini, vazifasini va darajasini belgilaydi va harakat dasturini kelajakka yo’naltiradi. Rejada tashkilotning maqsadi, vazifalari va o’tgan o’quv yo’lidagi ishlarining tahlil bo’lishi lozim.

Ish rejalar 3 turga bo’linadi:
1. Yillik ish reja
2. Oylik ish reja
3. Haftalik ish reja
Reja Sardorlar Kengashi yig’inida kengash a’zolari tomonidan ko’rib chiqiladi va maktab direktori tomonidan tasdiqlanadi.
Boshlang’ich sinflarda «Kamalak» Bolalar tashkiloti ishini tashkil qilish boshlang’ich sinf o’quvchilari uchun topshiriqlar berishda ham namoyon bo’ladi. Boshlang’ich sinflar o’quvchilari bo’lajak «Kamalak»chilardir. Shu sababli ularga har xil kichik topshiriqlar berib borilsa, ularda tashkilotchlik qobiliyati rivojlantirib boradi va ular «Kamalak» safiga kirishga tayyorlanib boradi. Chunki o’quvchilar o’zini kattalardek his qila boshlaydilar. Jiddiy ishlarga tayyor ekanliklarini amalda ko’rsatmoqchi bo’ladilar. Kichik yoshdagi o’quvchilar uchun topshiriq – bu ham ish, ham javobgarlikdir.
Bolalarga quyidagi topshriqlarni berish mumkin: sinf sardori o’rinbosari, o’quvni nazorat qiluvchi, o’yin tashkilotchisi, kutubxonachi, gulchi, xo’jalik boshlig’i, sport ishlari tashkilotchisi, yosh rassomlar tashkilotchisi va boshqalardir.
Topshiriqlar unchalik uzoq muddatlarga berilmaydi. Butun o’quv yili davomida barcha o’quvchilar ma’lum bir topshiriqlarni bajarishlari kerak. Topshiriqlar almashiladigan kuni sifatida sinfda yig’in o’tkaziladi.
Boshlang’ich sinf o’quvchilariga «Yetakchi» klubi sardorlari rahbarlik qiladi, ularning ishlarini nazorat qiladi. Ularga «Kamalak» Bolalar tashkilotining Nizomi tushuntiriladi.
Sinf burchagi.
Qiziqarli va mazmunli jihozlangan sinf burchak o’quvchilarga katta taassurot qoldiradi. Burchak ish mazmunini aniq va to’la aks ettirishi lozim. Bu bir tomondan sinfga chiroy baxsh etsa, ikkinchi tomondan har bir o’quvchining qanday topshiriq olganligi yaqqol ko’rinib turadi. Sinf burchagida quyidagilar bo’lishi lozim:
- sinfning shiori, nishoni;
- o’quvchilar ro’yxati (o’quvchilarga qanday topshiriqlar berilgani ko’rsatiladi);
- kichik yoshdagi o’quvchilarning qoidasi;
- sinf qo’shig’i;
- navbatchilik ro’yxati;
- faol o’quvchilarning fotosurati;
- dars jadvali;
- «Bu kitoblarni o’qing!»
Shuningdek, burchakda «Bizning ishlar» degan konvert bo’lib, uning ichiga «Qanday o’yinlar o’ynaymiz», «Qanday qo’shiqlar kuylaymiz», «Qanday kitoblar o’qiymiz», «O’z qo’limiz bilan nimalar yasaymiz», «Qayerlarga boramiz», «Qanotli do’stlarimizga qanday yordam beramiz» kabi kartochkalar bo’ladi, ularda yaqin kunlar ichida amalgam oshiriladigan ishlar yozib qo’yiladi va bular muntazam yangilanib turishi va qisqa, mazmunli bo’lishi kerak.
Yuqorida topshiriqlar sinf burchagi har bir maktab sharoitiga moslangan holda o’z sharoiti va imkoniyatlariga qarab o’zgartirilishi mumkin.
Xulosa qilib aytganda, xalq ta’limining yanada rivojlantirishda ayniqsa, ta’lim-tarbiya berishda sinfdan va maktabdan tashqari ishlarni mazmunli va asosan bolalar qiziqishlariga qarab jamiyatimiz uchun foydali ishlar bilan shug’ullantirish siz yetakchilarning vazifangizdir. Ularga yo’l-yo’riq ko’rsatib borilsa, ular o’zlari boshlagan ishga ijobiy yondoshgan holda davom ettiradilar degan umiddamiz.