Мавзулар туплами

Мавзу 4: Ташрифлар: турлари ва аҳамияти
Бугунги кунда Ўзбекистон Республикасининг давлат ва хўжалик тизимларининг тўлақонли фаолият юрити- ши кенг халқаро ишчан ҳамкорлик, хорижий вакиллар билан маҳаллий бошқарув органлари, корхоналар ва муассасалар, ишлаб чиқариш ва тадбиркорлик таркиб- лари, жамоатчилик ташкилотлари, ижодий уюшмалар, маданият муассасалари бўйича турли мутахассислик ва инсоний алоқалар зарурати билан чамбарчас боғлиқ. Бу йўналишлар бўйича юртимизга кўплаб хори- жий вакиллар ишчанлик ташрифи билан келмоқда. Хорижий меҳмонлар ҳақида гап кетар экан, бизнинг меҳмондўстлик одатимиз уларнинг ташрифига яхши- лаб тайёргарлик кўришни, бундай ҳолатларни эти- кетнинг умумэътироф этилган халқаро меъёрлари ва қоидаларига риоя қилишни назарда тутади, бу охир- оқибатда ўзаро фойдали ҳамкорликнинг келажагини белгилаб беради.
Ташрифлар ва делегациялар даражаси ва турлари.
Замонавий протокол амалиётида «олий даражадаги» ва «юқори даражадаги» ташриф тушунчалари қўлланади. «Олий даражадаги» ташриф тушунчаси давлат ва ҳукумат бошлиқларининг учрашуви ва ташрифи, шунингдек давлат ва ҳукумат бошлиқлари раҳбарлик қилган давлат ва ҳукумат делегациялари ташрифини англатади.
«Юқори даражадаги» учрашув ва ташриф давлат бошлиғи ўринбосари, ҳукумат бошлиғи ўринбосари, ушбу мансабдор шахслар раҳбарлик қилаётган давлат ёки ҳукумат делегациялари ташрифини ёки учрашу- вини назарда тутади. Шунингдек ташқи ишлар вазири, халқаро ташкилотлар раҳбарлари, парламент ва давлат раҳбарларининг махсус вакиллари бошлиқлари ҳам мана шу тоифага киради. Ўзининг даражасига қараб ташрифлар Ташрифлар турлари давлат, расмий, ишчи, йўл-йўлакай таш- рифлар, норасмий (хусусий) ташриф, қабул қилаётган давлат бошлиғининг шахсий меҳмони сифа- тидаги ташриф сингари турларга бўлинади.
Давлат ташрифи – хорижий давлат арбобларини қабул қилишнинг олий шакли ҳисобланади, катта сиё- сий аҳамиятга эга бўлади ва тантанаворлиги билан аж- ралиб туради, бундай қабулга фақат давлат бошлиқлари ва уларнинг расмий вакиллари сазовор бўлади. Давлат ташрифи эришилган икки томонлама муноса- батларнинг юксак сиёсий даражасини ва томонларнинг бу муносабатларни янада янги босқичларга кўтаришга бўлган интилишини таъкидлайди.