Mavzular: Pedagogik mahorat haqida tushuncha, uning oʻqituvchi faoliyatidagi oʻrni va ahamiyati. Pedagogik fikr tarixi va maktab amaliyotida

Keys topshirigʻi. Oʻz ustida, oʻz kamchiliklari ustida samarali ishlay olish boʻyicha barchaga ulkan namuna koʻrsata olgan Demosfenning buyuk notiq boʻlib yetishishida samarali yordam bergan shakl, metod va vositalarni namuna sifatida berilgan ushbu jadval asosida ifodalang:

Buyuk notiq Demosfenning oʻz ustida ishlashi
Samarali shakllar	Samarali metodlar	Ta’sirchan vositalar

Mavzuga doir material. Demosfen yolgʻizlikda ishlay boshlaydi. Yolgʻizlik koʻngliga tekkanda omma oldiga chiqishdan oʻzini saqlash uchun sochining yarmini qirib tashladi. Ogʻziga tosh solib olib, gapirishni mashq qildi. Ogʻzida toshlar boʻlsa-da, nutqining sof, tiniq boʻlishiga intildi. Ovozi kuchi va nafasini rivojlantirish uchun toqqa chiqib, baland ovozda she’rlar oʻqirdi. Dengiz boʻylarida sayr qilib, oʻz ovozi bilan toʻlqinlar shovqinini bostirishga harakat qilardi.
Ayrim harflarni chuchuk talaffuz qilmaslik uchun kuchukcha sotib oldi va uning qanday hurishini diqqat bilan tinglab, oʻzi ham “huruvchi” tovushlar chiqarishga harakat qildi. Yelkasini uchirish odatini yoʻqotish uchun uyning shiftiga oʻtkir tigʻli qilichni osib qoʻyib, oʻzi ana shu qilich ostida nutq soʻzlardi. Yelkasi oʻziga boʻysunmasa, shiftga osilgan qilichga borib tegar, yelkasini ogʻritar va notiqni oʻz tanasini nazorat qilish, boshqarishga majbur qilardi.


Oʻqituvchining yechimi. Buyuk notiq Demosfen oʻz ustida ishlashda quyidagi shakl, metod va vositalardan foydalandi.

Buyuk notiq Demosfenning oʻz ustida ishlashi
Samarali shakllar	Samarali metodlar	Ta’sirchan vositalar
- yolgʻizlikda ishlash; - dengiz boʻyida sayr qilish; - oʻz ovozi bilan toʻlqin shovqinlarini bostirishga urinish; - oʻtkir tigʻli qilich yelkasiga tegmasligi uchun oʻz tanasini nazorat qilish va boshqarish.	- yolgʻizlik koʻngliga tekkanda omma oldiga chiqishdan saqlanish uchun sochining yarmini qirib tashlash; - ogʻziga tosh solib, gapirishni mashq qilish; - baland ovozda she’r oʻqish; - oʻtkir tigʻli tilich ostida nutq soʻzlash; - “huruvchi” tovushlar chiqarish.	- soch; - she’r; - tosh; - dengiz shovqini; - kuchukcha; - oʻtkir tigʻli qilich.