Mavzu:’’ideal shaharlarda’’ shaharsozlik konsepsiyasi

Fevral oyida Toshkent shahar hokimiyatida turizm bo‘yicha seminar bo‘lib o‘tgandi. Asosiy mavzu — Toshkentni turistlar uchun qiziqarli shaharga aylantirish. Ushbu seminarga Javohir Nazarov orqali men ham taklif qilingandim va mavzu bo‘yicha qisqacha prezentatsiya bilan chiqish qildim. Prezentatsiyada bildirgan fikrlarimni biroz to‘ldirib bu yerda ham yozyapman. Kamida fikrlar prezentatsiya ichida qolib ketmasligi uchun. Bu yerdagi takliflarni boshqa shaharlarga ham qo‘llash mumkin, deb yozadi bloger Farhodjon o‘z sahifasida.

Takliflarning asosiy qismi shaharni faqat turistlar uchun emas, umuman odamlar uchun qulaylashtirishga qaratilgan (turist — odam).

Eng katta muammolardan biri — binolarni yagona stilda qurilayotgani. Deyarli barcha davlat binolarining rangi oq, to‘q ko‘k shisha ishlatilgan va binoning tagi jigarrang marmar.

Xuddi Toshkentni Ashxobodga aylantirishmoqchidek. U yerda eski binolarni ham oq rangga bo‘yab chiqisharkan. Men uchun shaharda qancha xilma-xil arxitekturani kuzatsam shuncha qiziq.Oq rang bizning xalq va davlat arboblari uchun juda muhim bo‘lishi mumkin, lekin bu rangni, asosan, fon sifatida ishlatgan ma’qul. Tez jonga tegadi. Binolarning ranglari ixtiyoriy ranglarda bo‘lishi mumkin: qizil, qora, ko‘k, pushti, yashil, sariq va h.k. Ba’zida g‘ishtdan qurilgan binolarni shundoqligicha tabiiy material bilan qoldirish mumkin.

Xuddi Toshkentni Ashxobodga aylantirishmoqchidek. U yerda eski binolarni ham oq rangga bo‘yab chiqisharkan. Men uchun shaharda qancha xilma-xil arxitekturani kuzatsam shuncha qiziq.Oq rang bizning xalq va davlat arboblari uchun juda muhim bo‘lishi mumkin, lekin bu rangni, asosan, fon sifatida ishlatgan ma’qul. Tez jonga tegadi. Binolarning ranglari ixtiyoriy ranglarda bo‘lishi mumkin: qizil, qora, ko‘k, pushti, yashil, sariq va h.k. Ba’zida g‘ishtdan qurilgan binolarni shundoqligicha tabiiy material bilan qoldirish mumkin.

Eski shahar

Toshkentning «eski shahar» deb nomlangan geografik qismi bor, lekin haqiqiy «Eski shahar» sifatida turistlarga ko‘rsatiladigan qismi yo‘q. Yevropaning ko‘p shaharlarida shunaqa maxsus qism bor. Quyida Varshava, Riga, Minsk, Baku shaharlarining «eski shaharlari» fotolari keltirilgan.