Мавзу: Ўзбекистонда банк аудитини ривожлантириш

Муаммонинг ўрганилганлик даражаси. Республикамизда банк аудитини ривожланишида хорижий назарияларни тадқиқ этишда Диана Мак Нотон, Д. Полфреман, С. Питер Роуз, Т. Коуленд, Е. Фейм, Ф. Форд, Д. Ходжемен ва бошқа иқтисодчи олимларнинг ишлари муҳим назарий-услубий асос ролини ўйнайди.
Республикамизда банк аудитини ривожланишини ўрганишда МДҲнинг етук иқтисодчи-олимларидан Бор M.S., Геракенко В.В., Грязнова А.Г., Жуков Е.Ф., Красавина А.Н., Колесников В.И., Лаврушин О.И., Лапидуса М.Х., Мамонова И.Д., Панова Г.С., Севрук В.Т., Соколинская Н.Э, Усоскин В.М., Уткин Э.А., Черкасов В.Е., Ширинская З.Г. ва ҳакозоларнинг ишлари муҳим аҳамиятга эга.
Шунингдек, узбек иқтисодчи-олимлари ва амалиётчиларидан ғ.А. Абдуллаев, Э.А. Акрамов, Ш.З. Абдуллаева, С.А. Бержанов, Т.И. Бобоқулов, М.Ш. Шарифхўжаев, Т.С. Маликов, Д.Р. Розибеков, О.О. Олимжонов, А.О. Камолов, Т.М. Қоралиев, А.Қ. Қодиров, Ш.М. Тошмуродов, С.Норқобилов, А.Ў. Ўлмасов ва бошқалар Ўзбекистон Республикасида иқтисодиётнинг эркинлашуви шароитида банк тизими аудит қилишга оид фикр мулоҳазалари диссертация мавзусига оид изланишларнинг олиб борилишида муайян ҳиссани қўшади.
Мамлакатимиз иқтисодий матбуотида тижорат банклари фаолиятининг у ёки бу соҳаларини ўрганишга оид мақолалари, чиқишлари кўп учрайди. Бу, албатта, ижобий ҳол. Лекин, шуни алоҳида таъкидлаш лозимки, тижорат банкларида аудит ўткази ва уларнинг турлари бўйича муаммолар мустақил тадқиқ предмети сифатида комплекс ўрганилмаган.
Шу нуқтаи-назардан юқоридагилардан келиб чиқиб илмий тадқиқот ишининг мақсади сифатида республикамизда банк аудитини ривожланиши, у билан боқлиқ муаммоларни аниқлаш ва уларни ҳал қилиш юзасидан илмий-назарий ва амалий таклифларни ишлаб чиқишдан иборатдир.
Ушбу мақсаддан келиб чиқиб диссертацион тадқиқотда қуйидаги вазифалар қўйилган ва ҳал қилинган.
- Ўзбекистон Республикасида банк аудитини шаклланиши ва унинг зарурлиги;
- тижорат банкларини аудит қилиш усуллари ва унинг турлари;
- тижорат банкларини аудит қилиш тартиби;
- тижорат банкларининг актив ва пассив кредит операцияларининг аудити ва унинг муаммолари;
- тижорат банкларини CAMEL тизими бўйича баҳолаш масалаларини;
- республикамизда банк аудитини муаммолари ва уни такомиллаштириш масалаларини тадқиқ қилиш.