Мавзу: Терапевтик стоматологияда оғриқсизлантириш. Усуллар ва ўтказиш техникаси. Терапевтик стоматологияда қўлланилувчи анестетиклар

Ўтказувчан оғриқсизлантириш. Ўтувчан оғриқсизлантириш, махаллий оғриқсиз-лантиришнинг бир тури бўлиб, бунда анестетик эритма операция майдонидан бир мунча узоқликдаги тўқима ичига киритилиб, шу операция ўтқазилаётган сохани иннервация қилувчи нервнинг асосий танасини ёки унинг бирон-бир шохини блокада килади.
Бу усулда анестетик эритма огриқсизлантирилаётган нерв танаси ёки унинг шох толалари атрофидаги тўқима ичига юборилади. Утказувчан оғриқсизлантириш асосан тишларни олишда, юз суяклари ва юмшок тўқималардаги давомли операцияларда, пастки жағ суягида ўтқазиладиган операцияларда ҳамда инфильтрация усулидаги махаллий оғриқсизлантириш фойда бермаган барча ҳолларда қўлланилади.

Инфильтрацион оғриқсизлантириш.
Туберал оғриқсизлантириш.
Оғриқсизлантиришнинг бундай турида юқори жағ нервининг юқори – орқа шохлари, юқори жағ дўмбоғи соҳаси оғриқсизлантирилади. Оғизнинг ярим очилган ҳолатида нина учининг чархланган томони суякка қаратилган холда, ёнок – альвеоляр ўсиқ қиррасининг орқасига икинчи моляр тишнинг тўғрисида, шиллиқ қаватга, ўтувчи бурмадан 0,5 см юқорироқка санчилади. Нинани альвеоляр ўсиқ четига нисбатан 45 ⁰с остида йўналтирилган холда юқорига, орқага ва ичкарига харакатлантириб, 2,5 см чуқурликга киритилади. Нинанинг учи хамма вақт суяк яқинига бўлиши учун уни киритиш билан бирга шприцни ташқари томонга ҳаракатлантириб бориш катта аҳамиятга эга. Бу эса шу соҳада жойлашган қанотсимон-венали қон томир чигалидаги артерия ва веналар жароҳатланишининг олдини олади. Шу сохага 2 мл анестетик эритмаси юборилгач, 7-10 минутдан кейин тўлиқ оғриқсизлантириш сезилади.


Туберал оғриқсизлантириш
Палатинал оғриқсизлантириш.
Ўтқазувчан оғриқсизлантиришнинг бу турида катта танглай нерви шу ном билан аталувчи суякдаги тешик сохасида оғриқсизлантирилади. Катта танглай тешигининг қаттиқ танглай шиллиқ қаватидаги проекцияси қўйидагича аникланади: иккинчи катта озик тиш тожининг ўртасидан, милк четидан танглайнинг ўрта чизигигача биринчи кўндаланг чизиқ ўтқазиб, шу чизиқнинг қоқ ўртасидан унга нисбатан перпендикуляр иккинчи чизиқ ўтқазилади. Тешик проекцияси шу иккала чизиқнинг ўзаро кесишган жойига тўғри келади. Нинани аниқланган проекциядан 1 см олдинрокка, танглай шиллиқ қаватига, юқорига, орқароқка ва ташқарига йўналтирилган холда санчилади. Нинанинг учи суякка теккач 0,5 мл анестетик эритма юборилади. 3-5 дакика вақт ўтгач, тўлик оғриқсизлантириш сезилади.