Мавзу: Терапевтик стоматологияда оғриқсизлантириш. Усуллар ва ўтказиш техникаси. Терапевтик стоматологияда қўлланилувчи анестетиклар

Инъекцион оғриқсизлантириш
Игнасиз оғриқсизлантириш усули-махсус игнасиз аппарати БИЕ ёки БИ-8 (расм.2) ёрдамида амалга оширилади. Анестетик босим остида альвеола ўсиқка, суяк усти пардаси шиллиқ пардасига, суяк каналчалари орқали нерв охирлари ва майда томирларга боради. Тиш тортиш учун вестибуляр томондан 3-4 та, орал томонга 1-2 та инъекция қилиш керак бўлади, 1,5 мл анестетик юборилади. Оғриқсизлантириш тезда таъсир қилади. Бу усулдаги оғриқсизлантириш юқори жағдаги барча тишларда курак, қозиқ ва пастки жағнинг премолярларида, пастки жағ танаси соҳасида, альвеоляр ўсиқнинг катта бўлмаган операцияларида қўллаш мумкин.

Игнасиз аппарат БИ-8
Инфильтрацион усул
Анестетик эритманинг тўқимага тўғридан-тўғри сўрилиб, оғриқсизланишига эришиш маҳаллий оғриқсизлантириш усулига киради. Тишларни тортишда ва альвеоляр ўсиқнинг суяк операцияларни ўтказилганда билвосита инфильтрацион оғриқсизлантириш қўлланилади. Бундай вақтда анестетик шиллиқ қаватдан суякнинг ғовак моддасига ўтиб, нерв охирларига сўрилади.
Билвосита инфильтрацион оғриқсизлантириш айниқса юқори жағнинг анатомик тузилишга (компакт пластинканинг юпқалиги, тешикларнинг кўплиги) қўл келади. Пастки жағда билвосита инфильтрацион оғриқсизлантириш пастки курак тишларни олиб ташлашда катта аҳамиятга эга.
Маҳаллий оғриқсизлантиришнинг ўтқазувчи усули (ПМО)
Бунда шу нервни иннервациялайдиган нерв стволи блокадаланади ва белгиланган сохани оғриқсизлантиради. Ўтқазувчи оғриқсизлантириш усули ёрдамида кам миқдордаги анестетик билан катта майдон ўраб олиниб, узоқ давом этувчи тўлик оғриқсизлантиришга эришиш мумкин. Бундан ташқари эндоневрал оғриқсизлантириш фарқланиб, бунда анестетик нерв стволига тўғридан-тўғри киритилади.
Врач стоматолог ўтқазувчи оғриқсизлантириш бажараётганда юз-жағ топографик анатомия-сини айниқса, нерв хамда қон-томирлар жойлашувини аниқ билиши талаб этилади.
Ўтқазувчи оғриқсизлантириш бажарилишига қараб бўлинади:
1) оғиз ичи усули
2) оғиз ташқи усули.
Оғиз ташқариси усулида оғриқсизлантириш қўйидаги қаторларига бўлинади:
1) оғиз бўшлиғи шиллиқ қавати юмшоқ тўқималари орасида инфекциялар борлигига шубҳа булса;
2) жағ касалликлари туфайли оғизни очиш қийинлашган ҳолларда;
3) оғиз бўшлиғининг игна киритилиши керак бўлган соҳада, яллиғланиш жараёни ёки ёмон сифатли ўзгаришлар бўлганда.