Мавзу: Терапевтик стоматологияда оғриқсизлантириш. Усуллар ва ўтказиш техникаси. Терапевтик стоматологияда қўлланилувчи анестетиклар

Махаллий оғриқсизлантириш. Инсон эс-хушини саклаган холда тананинг бирон-бир қисмидаги оғриқ сезгисини йўқотишга қаратилган даво чораси махаллий оғриқсизлантириш деб аталади. Махаллий оғриқсизлантиришнинг
1) Инъекцион (инфильтрацион, ўтказувчи)
2) Ноинъекцион (кимёвий, физикавий, физик-кимёвий) турлари фарқланади.
Инъекцион оғриқсизлантириш турида анестетик эритма бевосита тўқима ичига киритилади.
Ноинъекцион махаллий оғриқсизлантириш тўқималарнинг юза қатламларини оғриқсиз-лантириш имконини беради холос. Бунда доривор моддалардан фойдаланилса кимёвий ёки аппликация усули, лазер ёки электромагнит тўлқинлари таъсир эттирилса физикавий усул, тўқималарга анестетик дориларни электрофорез ёрдамида киритилса физико-кимёвий усул деб аталади.
Болалар стоматологияси амалиётида инъекция қилинадиган жой шиллиқ қавати оғриқсизлантирилади. Бунинг учун 0,25-2,0% дикаин, 1-2% пиромекаин эритмалари, кўпинча лидокаиннинг 10%-ли аэрозоли қўлланилади.
Махаллий оғриқсизлантиришнинг инъекцион усулларида асосан 0,25; 0,5; 1 ва 2%-ли эритмаси ишлатилади.
Инфильтрацион оғриқсизлантириш. Махаллий оғриқсизлантиришнинг бу турида операция ўтқазиладиган сохадаги тўқималар анестетик эритмага қаватма-қават буктирилади.
Оғриқсизлантирувчи эритма етиб борган жойлардаги сезувчи нерв рецепторлари ва шохларининг фаолияти вактинча тўхтатилади. Анестетикларни периодонт ёриги ичида (интралигаментлар), суяк ичида (интраоссал) ва суяк пардаси остига (субпериостал) юбориш усуллари хам инфильтрацион оғриқсизлантириш турларига киради.
Ўтувчи бурма сохасига 2-3 мл, қаттиқ танглай сохасига эса 0,3-0,5 мл анестетик юборилади. Инфильтрацион оғриқсизлантириш пастки жағнинг тил томонидан ўтқазилган-да, игна альвеоляр ўсик шиллиқ қаватининг тил ости утиш жойига санчилади ва 2-3 мл анестетик эритмаси юборилади.
Инфильтрацион оғриқсизлантиришнинг суяк ичига анестетик киритиш йули билан ўтқазиладиган турида, узунлиги 2 см дан ошмаган (масалан, карпул тизимидаги махсус нина) нина икки тиш оралигидаги милк сургичи асосига санчилади ва 0,2 мл анестетик юборилади. Суяк пардаси остига анестетик эритмани киритиш йули билан бажариладиган инфильтрацион (субпериотал) оғриқсизлантириш усулида узунлиги 30 мм дан ошмаган ингичка нина (карпул тизимидаги ИС-03 инъектори) операцияда мўлжалланаётган тишнинг илдиз учи проекциясида, алвеоляр ўсиқнинг ташқи томонидан, унинг юзасига тахминан 45 ⁰с мл остида утувчи бурмага санчилади.(расм.3.)