Mavzu: Tadbirkorlik faoliyatida biznes-reja

Ishlab chiqarish jarayoni

Katta firmaning biznes rejasida bu savolga alohida bo‘lim ajratiladi. Agar gap kichik yoki yaqinda tuzilgan korxona haqida borsa, unda bu savol alohida ishlab chiqilishi shart emas. Biznes rejada ishning faqat asosiy natijalari aks ettiriladi. Ya’ni ishlab chiqarishni tayyorlashdan tortib, to texnika xavfsizligini ta’minlash va ishlab chiqarish madaniyatigacha tushuntirish matni beriladi.

Ishbilarmon mahsulot ishlab chiqarish uchun qaysi materiallar kerak bo‘lishi, qanday mashinada mahsulot ishlab chiqilishini oldindan rejalashtiradi. Ishlab chiqarish quwati haqida tavsif beriladi, ishga tushishi muddati ko‘rsatiladi. Moddiy texnika ta’minoti masalasi alohida ko‘rib chiqiladi, ya’ni qayerdan, kimdan, qanday materiallar sotib olinadi? Qanday tashib keltiriladi? Va boshqalar. Yetkazib beruvchilarning mahsulot sifati va yetkazib berish kafolatlari bayon qilinadi. Tahlil 2-3 yilga yoki kattaroq muddatta, 4-5 yilga beriladi.

Bu bo‘limning juda muhim qismi ishlab chiqarish xarajatlarini hisoblashdir. Bu yerda so‘z texnika xavfsizligi va yong‘in xavfsizligini maqsadga muvofiq tashkil qilish uchun ketadigan qo’shimcha xarajatlar haqida ham boradi. Ko‘pincha firma rahbarlari biznes rejada atrof- muhitni muhofaza qilishga yetarlicha e’tibor bermaydilar. Bu esa anchagina mablag‘ talab qiladi. Natijada, firma biznes rejaga binoan ishni tashkil qilganidan so‘ng, «tasodifiy» xarajatlar qilishga majbur bo‘ladi. Bu esa biznesning rivojlanishiga to‘sqinlik qiladi. Shuning uchun, rejada bunday xarajatlami ham hisobga olish zarur.

4.