Mavzu: O‘zbekistonda milliy siyosat (XX asr 80-yillar misolida)

Mavzuning o’rganilganlik darajasi: Tanlangan mavzuning tarixshunoslik tahlili shundan dalolat beradiki, mazkur muammoni ilmiy jihatdan o‘rganish borasida qator ijobiy ishlar bajarildi. Hozirgi davrga kelib, ushbu yo‘nalish bo‘yicha ijtimoiy-gumanitar fan olimlari izlanishlari turli nashrlarda e’lon qilindi, umumlashtiruvchi asarlar, monografiya, risolalar chop etildi.

Mavjud adabiyotlarni konseptual-metodologik nuqtai-nazaridan ikki guruhga bo‘lish mumkin. Birinchi guruhga mansub qatorga sovetlar mustabid tuzumi davrida yaratilgan asarlar kirgan bo‘lsa, ikkinchi guruhni istiqlol davrida yozilgan, chop etilgan monografiya, risola, kitob, maqolalar tashkil etadi.

Sovetlar mustabid tuzumi davrida O‘zbekiston madaniyati, uning nazariyasi, milliy siyosat tarixiga oid juda ko‘plab asarlar yaratildi.

Mustaqillik yillarida O‘zbekiston milliy siyosati, madaniyati tarixi, nazariyasiga oid qator ilmiy tadqiqot olib borildi va ko’plab asarlar chop ettirildi. Xususan, C. Атамуратов, A. Jalolov, D. Bobojonova, M. Imomnazarov, M. Bo‘riyeva, Ата-Мирзаев О., V. Гентшке, R. Муртазаева, A. Bekmurodov, U. G‘afurov, Sh. Mustafaqulov, N.Kattayev sovetlar mustabid tuzumi davrida milliy siyosat va madaniyatga nisbatan imperiyacha munosabat jiddiy yangi metodologiya asosida tahlil etilgan¹.