Mavzu: Mustaqillik va ona tili haqida suhbat

166-dars
Mavzu: O’quv yili oxirida takrorlash. Ayrim unli va undosh tovushlarning aytilishi va yozilishi. 465-469-mashqlar.
Maqsad: a) ta’limiy: Ayrim unli va undosh tovushlarning aytilishi va yozilishini o’rgatish va takrorlash, b-p, d-t, g-k kabi.
b) Tarbiyaviy: mustaqil ishlash ko’nikmasini shakllantirish;
c) Rivojlantiruvchi: imlo qoidalariga amal qilish malakasini hosil qilish.
Darsning uslubi: savol-javob, test
Darsning jihozi: mavzuga mos plakat, tarqatmalar, rasmlar.
Darsning borishi:
I. Tashkiliy qism:
Salomlashish;
davomatni aniqlash;
Sinfni darsga tayyorlash;
Darsning maqsadini aytish.
II. O’tgan mavzuni so’rash va mustahkamlash.
Topshiriq:
1- topshiriq. p—b tovush juftlari ishtirokida so'zlar yasang. So'zning tub va ko'chma ma'nolarini sharhlang.
2- topshiriq. t—d tovush juftlari ishtirokida so'zlar yasang. Ushbu so'zlar yordamida jumla tuzing.
Namuna: 1) tor—dor
tosh—dosh
tog'—dog'
tol—dol
tot—dot v. h.
III. Darslik bilan ishlash.
465- mashq. Nuqtalar o'rniga zarur unli harf qo'yib yozing. Ularning aytilishi va yozilishidagi farqni izohlang.
Sam.lyot, avtom.bil, k.mandir, mug'.mbir, no'x.t, t.rozi, m.tor, agr.nom, uyq., huq.q, tumsh.q, buyr.q, burn. Yozganlaringizni lug'atdan tekshiring.
466- mashq. Nuqtalar o'rniga zarur unli harfni qo'yib ko'chiring.
Ko'pr.k, to'l.q, bo'l.m, bo'y.n, to's.q, bo'l.q, bo'rs.q, avg.st, ah.I, ul.g', ad.r, cho'z.q.
Bir satrdan ikkinchi satrga bo'g'inlab ko'chirilmaydigan so'z-larning tagiga chizing. Nima uchun ular bo'g'inlab ko'chirilmaydi?
IV. Musobaqa.
467-mashq. O'qing. So'zlarni alifbo tartibida juftlab yozing. Juftlab berilgan so'zlar ma'nosini farqlayotgan harflarning tagiga chizing.
Yod — yot, eg — ek, sut — sud, darz — dars, o'zdi — o'sdi, yoriq — yorug', chalg'i — cholg'u.
Ajratilgan so'zlar ishtirokida ikkita gap tuzing. So'z ma'nosini farqlayotgan undoshlarning jarangsiz yoki jarangli ekanini ayting.
468- mashq. Nuqtalar o'rniga zarur harflarni qo'yib ko'chiring. Aytilishi va yozilishidagi farqni aniqlang.
Mad.iya, a.oli, .alol, .ashar, ra.mdil, mu.bir, ru.sat, ta.ir, .arsang.
Yozganlaringizni lug'atdan tekshiring.
V.Uyga vazifa:
469- mashq. Ismlarni o'qing. Tutuq belgisi shu so'zlarda qanday talaffuz uchun xizmat qilyapti?
A'zamxon, E'tiborxon, Ja'far, Jur'at, Ra'no, Ma'suma, Ne'matjon, La'lixon, Sa'dulla, Tal'at.
Ismlarni alifbo tartibida yozing.
Shu ismlarning ma'nosini bilasizmi?