Mavzu: Mustaqillik va ona tili haqida suhbat

II. O’tgan mavzuni so’rash va mustahkamlash.
Uyga berilgan vazifani tekshirib baholayman.
454- mashq. 4- sinf ,,O'qish kitobi"dan ikkita gap tanlab yozing. Otlarni aniqlab, tagiga chizing.
So'z nima?
So'zlar narsa-shaxsni, narsa-shaxsning belgisini, harakatini, sanoq tartibini bildiradi: quyosh, nurli, chiqdi, uchta, beshinchi.
So'zlarda qanday qismlar bo'ladi?
So'zlar o'zak, so'z yasovchi va so'z o'zgartuvchi qo'shimchalardan tashkil topadi.
Siz qaysi so'z turkumlarini bilasiz?
Ot, sifat, son, fe'l kabi so'z turkumlarini bilamiz.
Gap nima?
Gap bir so'z yoki bir necha so'z orqali tugallangan fikrni bildiradi: Tong. Nurli quyosh chiqdi.
Gap nimalardan tuziladi?
Gap mazmun jihatdan o'zaro bog'langan so'zlardan tashkil topadi. So'zlarning bog'lanishi so'roqlar yordamida aniqlanadi.
Gapda qanday bo'laklar bor?
Gapda bosh bo'laklar, ikkinchi darajali bo'laklar bo'ladi.
Bosh bo'laklarga qaysi bo'laklar kiradi?
Ega va kesim gapning bosh bo'laklaridir.
III. Darslik bilan ishlash.
455- mashq. Matnni o'qing. Matn kim haqida ekanini ayting. Otlarni topib ko'chiring. Ularning o'zak va qo'shimchalarini belgilang. Qo'shimchalarning turini ayting.
Maktabdan qaytganimdan keyin hamisha guzarga shoshaman. Miskarlar, tunukasozlar, kosiblar oldida o'tiraman. Ulardan burungi zamonda bo'lgan voqealami eshitishni yaxshi ko'raman. Miskarlar, chegachilar, tunukasozlar ko'p antiqa gaplarni gapirardilar. (Oybekdan)
IV. Mustaqil ish.
456- mashq. Matnni o'qing. Sifatlarni topib, ma'no turini, gapdagi vazifasini ayting.
Bolalar o'tloqqa chiqishdi. O'tloq yam-yashil o'tlar, oq, sariq, qizil gullarga boy joy edi.
Cho'qqidan oqib tushgan tip-tiniq suvlar qum-toshlar orasida ariqchalar hosil qilgan. Bu ariqchalar bo'yida o'tkir hidli qoramtir yalpizlar, sershox jambillar o'sib yotardi. O'tloqning sof va xushbo'y havosi kishiga orom bag'ishlaydi.
(Hakim Nazirdan)
Sifatlarni o'zi bog'langan so'z bilan ko'chiring. Sifatlar otlarga nima yordamida bog'langan?
V.Uyga vazifa:
457- mashq. -li, -siz, -dor, -chan sifat yasovchi qo'shimchalar bilan so'zlar tuzing va yozing. Yozgan so'zlaringizning o'zak va qo'shimchalarini belgilang.
VI. Darsni yakunlash. O’quvchilar bilimini baholash.