Мавзу: Математика ўқитиш методикаси предмети, мақсади ва вазифаси

экспериментлардан фойдаланилади. Гипотезани исботлаш босқичида тадқиқ этилаётган объект ҳолатини аниқлайдиган ёки тахмин этилган объектни текшириб кўриш, шунингдек, баъзи бир фактларга аниқлик киритиш учун таъкидловчи экспериментдан фойдаланилади. Гипотезани текшириб кўриш жараёнида ишлаб чиқилган усулнинг самарадорлигини текшириб кўриш мақсадида ўргатувчи (изловчи, шакллантирувчи) эксперимент ўтказилади. Экспериментал ва назорат синфлари танлаб олинади. Назорат синфларида ўқитиш анъанавий тизим бўйича, экспериментал синфларда эса – тадқиқотчи томонидан ишлаб чиқилган модел ёки тизим асосида олиб борилади. Эксперимент ташкил этиш учун, кузатиш, анкета, ўқитишнинг сони ва сифати натижалари таҳлиларидан фойдаланилади.
Тадқиқотнинг сифат таҳлили назорат ишлари, ўқувчиларни тестдан ўтказиш орқали, сонли таҳлил – тестлар ва назорат ишларига статистик ишлов бериш натижалари асосида олиб борилади.
Тадқиқотларнинг методологитк асосини диалектика, тизимли таҳлил ва фаолиятли ёндошув ташкил этади. Диалектика табиат, жамият ва фикрлашнинг (яъни, бирлик ва қарама-қаршиликлар кураши, саноқли ўзгришларнинг сифатли ўзгаришга ўтиши, рад этишни рад этиш); ривожланишнинг таниш мумкин бўлган объект ва ҳодисалари билан боғлиқ ҳолатларини кўриб чиқиш; уларнинг ўзгариши ҳар хил омиллар билан шартланганлиги, бошқа объект ва ҳодисалар билан ўзаро боғлиқлигини умумий қонунлар асосида ўрганиш орқали мавжуддир.
Кейинги пайтларда математика услубиятига ўқитишнинг фаолиятли ёндошув усули кенг тарқалмоқда. Бу усул математика услубиятига ўқитишнинг таркибий услубий қисми, математкага ўқитиш мазмунига ўхшаш ҳар хил фаолият ва ҳаракатларни бажариш воситаси, ўқув фаолияти сифатида тушунилади.
Фаолият – предмет, эҳтиёж ва мотив, мақсад ва унга эришиш шартлари, ҳаракат ҳамда турли бажаришлардан иборат инсоний фаолиятдир. Ўқув фаолияти дейилганда, ўқувчининг назарий билимлар олишга интилиши, турли масалаларни умумий қоидалар асосида ечиш ҳаракати тушунилади. Чунки ўқув масалаларини ечиш, ўқув ҳаракатлари ва назорат ҳамда баҳолаш назорати орқали амалга оширилади.