Mavzu: Maktabgacha ta’lim taraqqiyoti

7-Mavzu: Boshqarish tizimi, tashkiliy huquqiy baza
Reja:

1. 
   Maktabgacha yoshdagi bolalar hayotini tashkil etish haqida tushuncha.
   
2. 
   Ilk yoshdagi bolalar hayotini tashkil etishning o‘ziga xosligi.
   
3. 
   Kun tartibini tashkil etish.
   
4. 
   Bolalar faoliyatini tashkil etish va ularni hayotini tashkil etishdagi o‘rni.
   
5. 
   Kichik guruh bolalari hayotini tashkil etishning o‘ziga xosligi.
   
6. 
   Katta va tayyorlov guruh bolalari hayotini tashkil etishning o‘ziga xosligi.
   

Tayanch tushunchalar:

Faoliyat - kishining madaniy ma'naviy ne'matlar yaratish borasidagi hamda shaxsiy va ijtimoiy sohadagi ma'lum bir maqsad sari qiladigan xatti-harakatlar majmuasi.
Tushuntirish - ilm-fan va ta'lim-tarbiyaning asosiy vazifasi sanaladi.
Tushuncha- bu narsa va hodisalarning umumiy xususiyatlarini ifodalovchi fikr -tafakko’r shakli.
MTMda bolalar hayotini tashkil etish
Fiziologiya, gigiena, psixologiya, pedagogika sohasida olib borilgan ilmiy- tadqiqotlar natijasida MTMda kichkintoylar hayotini tashkil etishning quyidagi printsiplari yo’zaga keldi:
Har bir yosh guruxda bolalarni jamoachilik ruhda tarbiyalash va har bir bolaning har tomonlama rivojlanishini ta'minlaydigan bir xil shart-sharoitlar yaratish.
Bolalarni yosh guruxlariga taqsimlashda har bir guruhga faqat bir xil yoshdagi bolalarni tanlash va shunga qarab ta'lim-tarbiya jarayonini tashkil ztish.
Bolalarning har xil faoliyat bilan shug'ullanishlari va bir-birlari bilan muloqotga kirisha olishlari uchun zarur bo’lgan moddiy muhitni yaratish. Buning uchun guruh xonasi va maydonchani gigieniq pedagogiq estetik talablar darajasida kerakli asbob- anjomlar bilan ta' minlash.
Bolalarning yoshiga mos kun tartibiga rioya qilish va uning barqarorligini ta'minlash.
Bolalar shaxsini shakllantiradigan faoliyat turlarini (o’yin. mehnat, ta'lim) tashkil etish va bu faoliyatlar uchun kun tartibidan ma' lum vaqt ajratish.
Bolalarning har xil faoliyatlarini ilmiy asoslangan printsiplar asosida almashtirib borish MTMning har xil yosh guruhlarida bolalar hayotini tug’ri tashkil etish
Bolalarningfaoliyatida ta'lim-tarbiya vazifalarni amalga oshirish va rahbarlik qilish
Bolalarning har tomonlama rivojlanishini ta'minlashga qaratilgan pedagogik jarayon murakkab va rang-barangdir.
Tarbiya masalalari ta'lim-tarbiya ishining tashkiliy shakllari, bolalar faoliyatining har xil turlari: mashg’ulotlarda ta'lim berish orqali, ijodiy va qoidali o’yinlar, bolalarning mustaqil faoliyatlari, ularning o’z mehnati va kattalar mehnati bilan tanishtirish orqali, o’z-o’ziga xizmat qilish sayrlar o’tkazish gigienik tadbirlar orqali amalga oshiriladi.

O’yin Mehnat Ta'lim

Ta'lim-tarbiya ishlarini muvaffaqiyatli amalga oshirish MTMsidagi pedagogik jarayonni, har bir faoliyat turini to’g’ri tashkil etishga bog’’liq.
MTMsining pedagogik jarayonida ta'lim muhim ahamiyat kasb etadi va u kundalik hayotda, o’yinda, mehnatda, mashg’ulotlar orqali amalga oshiriladi. Mashg’ulotda ta'lim va tarbiya vazifalari xal etiladi. Bolalar tevarak-atrofdagi hayot va tabiat bilan tanishish, nutqni o’stirish va savod o’rganish, matematika, jismoniy madaniyat, tasviriy faoliyat, musiqa bo’yicha eng oddiy tasavvur va bilimlarni, malaka va ko’nikmalar sistemasini egallab oladilar. Bolalar egallab olishlari kerak bo’lgan bilim, malaka va ko’nikmalar MTM dasturida belgilab berilgan bo’lib, u bolalarning umumiy rivojlanishida va ularni maktab ta'limiga tayyorlashda muhim ahamiyatga ega. Mashg’ulotlarda ta'lim berish didaktika printsiplari asosida bolalarning yosh va o’ziga xos xususiyatlarini e'tiborga olib ma’lum izchilliqia olib boriladi, mazmuni sekin-asta murakkablashtirib boriladi. Natijada u rivojlantiruvchi va tarbiyalovchi xususiyatga ega bo’ladi.

Dasturda har bir yosh guruhida xafta davomida o’tkaziladigan mashg’ulotlar soni va har bir mashg’ulot qancha davom etishi belgilab qo’yilgan. Tarbiyachi mana shunga asoslanib, o’zining xaftalik mashg’ulotlar jadvalini to’zib oladi, bu ta'limning hamma bo’limlari bo’yicha belgilangan ta'lim-tarbiya ishlarini to’g’ri taqsimlash va bir xilda amalga oshirishga imkon yaratadi. Mashg’ulotlar jadvalini to’zishda quyidagi talablarga rioya qilish kerak:
Dasturning hamma bo’limlari bo’yicha mashg’ulotlarni haftaga teng taqsimlash.
Xaftaning birinchi va oxirgi kuniga osonroq mashg’ulotlar qo’yiladi.
Xaftaning seshanba, chorshanba va payshanba kunlarida bolalardagi aqliy faoliyat tezlashadi, shuning uchun bu kunlarga murakkabroq ishlar rejalashtiriladi.
Kun davomida birinchi bo’lib bolalardan aqliy zo’r berishni ko’proq talab etadigan, kam harakatli mashg’ulotlar rejalashtiriladi (tevarak-atrofdagi hayot va tabiat bilan tanishtirish, ona tili, matematika). Ikkinchi mashg'ulotga engilroqlari: tasviriy faoliyat, jismoniy tarbiya, musiqa mashg’uloti va shunga o’xshashlar rejalashtiriladi.
Kun davomida mashg’ulotlar quyidagicha tartibda almashtirib boriladi: matematika va jismoniy tarbiya, ona tili va tasviriy faoliyat va hokazo.
Mashg’ulotlarni bunday taqsimlash bolalarning dastur materialini engilroq o’zlashtirib olishiga imkon yaratadi. O’yin bolalarning muhim faoliyati hisoblanadi. U bolalarning jismoniy va ruhiy rivojlanishida, shaxs sifatida shakllanishida va bolalar jamoasining tashkil topishida muhim ahamiyat kasb etadi. O’yin bolaga quvonch bag’ishlaydi, ijobiy his va kechinmalarini, hayotdan olgan taassurotlarini aks ettiradi. O’yin mazmuni bola shaxsining shakllanishiga muhim ta'sir ko’rsatadi, shuning uchun kattalar bolalar o’yiniga rahbarlik qilayotib, ularda tevarak-atrofdan olayotgan taassurotlari ijobiy tomonini aks ettirish xohishini uyg’otishlari keraq
Tarbiyachi bolalar o’yiniga rahbarlik qilar ekan, ularning tevarak-atrofdagi hayot to’g’risidagi bilimlarini boyitadi (bu orqali o’yin mavzusi, mazmuni, syujeti boyiydi), bolalarning axloqiy hislarini. o’zaro ijobiy munosabati va odatlarini tarbiyalaydi.
O‘y indan bolalardagi o’zaro o’rtoqliq do’stliq bir-biriga yordam ko’rsatish xislatlarini tarbiyalashda va bolalar hayotini tashkil etish shakli sifatida foydalanadi.
Bolalarning o’yin bilan shug’ullanishi va mehnat qilishlari uchun kerakli materiallar bilan ta'minlanadi, shu orqali bolalar o’yinining mehnat bilan uyg’unlashib ketishiga erishiladi.
Tarbiyachi bolalarning syujetli-rasmli o’yinlarining hamma xilini syujetli-rolli, qurilish dramalashtirilgan tabiiy materiallar bilan o’ynaydigan qilib tashkil etadi. Bolalarga o’yin harakatlarini o’rgatadi, tengdoshlari bilan bo’ladigan munosabatlarda xaqqoniylik printsipiga riova qilishni uqtiradi. SHu bilan birga u bolalardagi ijodkorliq tashabbuskorliq faollik va boshqa xislatlarni qo’llab-quvvatlaydi.
Ijodiy o’yinlar ertalabki qabul paytida, kunning birinchi va ikkinchi yarmidagi sayrda, ya'ni mashg’ulotdan tashqari hamma vaqtda tashkil etilaveradi.
. Mashg’ulotlarda va mashg’ulotdan tashqari vaqtda o’ynaladigan didaktik va harakatli o’yinlar muhim rol o’ynaydi. Tarbiyachi bolalarning sensor rivojlanishini, aqliy tarbiyasini, bilish jarayonlarini didaktik o’yinlar orqali amalga oshiradi. Harakatli o’yinlarda bolalarning jismoniy madaniyatinn tarbiyalash uchun yaxshi shart-sharoit yaratish keraq
Harakatli o’yinlar ertalabki va kechki sayr soatlarida tashkil etilib, kuniga 1-2 marta butun guruh, yoki guruhcha bilan o’tkazilishi keraq O’rta va katta gurhlarda turli xil sport o’yinlari o’tkazib turiladi. Hamma o’yinlar uchun kun tartibidan vaqt ajratish va kerakli materiallar bilan ta'minlash tarbiyachining zimmasiga yuklatilgan.
Kun davomida bir necha marta: ertalabki qabul vaqtida, ertalabki va kechki sayrda bolalarning mustaqil faoliyatlari tashkil etiladi. Bolalar o’zlariga tanish bo’lgan didaktik va harakatli o’yinlarni o’ynaydilar, xohlagan rasmlarini chizadilar, xohlagan narsalarini (plastilindan) yasaydilar, kitoblar, rasmlarni tomosha qiladilar, xohlagan badiiy asarlarini tinglaydilar.
Bolalarning mustaqil faoliyati ular uchun dam olish soati hisoblanadi, ammo ish bilan bir vaqtda bolalarning o’z-o’zini tashkil eta bilish qobiliyati o’sishiga, xulq madaniyati irodaviy sifatlarining tarbiyalanishiga, jamoa munosabatlarining shakllanishiga yordam beradi. U har xil faoliyatlarda bolalardagi o’ziga xos ijodkorlikning rivojlanishiga keng imkoniyat yaratadi. SHuning uchun bolalarning mustaqil faoliyatiga ham tarbiyachining rahbarlik qilishi taqozo etiladi: chunki xohlagan ishi bilan shug’ullanishiga imkon yaratish, kerakli material va asbob- uskunalar bilan ta'minlashda yordam berishda, tarbiyachining maslahati lozim bo’ladi.
Kun davomida sistemali ravishda mehnat faoliyati tashkil etilib, bolalar kattalarning mehnati bilan tanishtirib boriladi. Bu ish mashg’ulotlarda, eksko’rsiyalarda, maqsadli sayrlarda, bolalarning kattalar bilan birgaliqiagi mehnatida amalga oshiriladi. Bunda bolalarning asosiy e'tibori mehnatning insonlar uchun foydasiga, uning xilma-xilligiga, ahloqiy munosabatlariga qaratiladi.
Bolalarning ovkatlanishga, mashg’ulotga tayyorlanishlari, tabiat burchagida navbatchilik vazifasini bajarishlari, ularda topshirikqa nisbatan javobgarlik hissini rivoj lantiradi, shu bilan birga ijtimoiy his va munosabatlarni shakllantiradi.
Navbatchilik ikkinchi kichik guruxda yilning ikkinchi yarmidan boshlanadi va hamma yosh guruhlarida davom etadi. Katta guruh bolalarining qo’l mehnati, tabiatdagi mehnati, xo’jalik-maishiy mehnatlari har kuni ertalabki soatda ertalabki va kechki sayrda sistemali ravishda tashkil etib boriladi. Haftasiga bir marta butun guruh ishtirokida bolalarning jamoa mehnati tashkil etiladi, mashg’ulotlarda qo’l mehnatining yangi turi o’rgatiladi. Mehnat jarayonida bolalarning mehnat qilish malaka va ko’nikmalari takomillashadi, ko’zatuvchanligi rivojlanadi, qiziqishlari ortadi, mehnatsevarliq javobgarliq burch hissi kabi axloqiy sifatlari shakllanib boradi.
Bolalarning mehnat faoliyatini ularning jismoniy va aqliy faolligini o’stiradigan qilib tashkil etilishi keraq Buning uchun ularni hamma kerakli materiallar va mehnat qurollari bilan ta'minlash lozim. O’z-o’ziga xizmat bolalar mehnatini tashkil etish shakllaridan biri hisoblanadi.
Kichkina guruhdan boshlab bolalar mustaqil kiyinish va echinishga o’rgatiladi. Katta guruh bolalari o’zlarini har doim batartib (tashqi ko’rinishi, sochi, kiyimlari, oyoq kiyimi) tutishlari keraq Ular o’yinchoklarni, kitoblarni, ish qurollarini o’yin va mashg’ulotdan keyin joy-joyiga yig’ishtirib qo’yadilar.
Har kuni ertalabki mashg’ulotdan keyin, kundo’zi uyqu, kechki nonushtadan keyin sayr uyushtiriladi. Sayrda ijodiy o’yinning hamma turlari, bolalarga tanish va yangi qoidali, o’yinlar tashkil etiladi. Bolalarning o’yin, mehnat, mustaqil faoliyatlariga rahbarlik qilish muhim ahamiyat kasb etadi.
Tarbiyachi bolalarning xilma-xil mustaqil faoliyatlari uchun shart-sharoit yaratadi: kerakli material, asbob-anjomlar, o’yinchoqlar bilan ta'minlaydi, maydonchada, guruh xonasida o’yin uchun joy tayyorlaydi.
O’yin va mashg’ulotlar o’tkaziladigan joy gigienik jihatdan talabga javob berishi (yorug’, ozoda, yaxshi shamollatilgan, nam latta bilan pollari artilgan, havo temperaturasi normal bo’lishi) keraq
Sayrda tabiatni, kattalar faoliyatini, ijtimoiy hayot voqealarini kuzatish imkoni yaratiladi sayr boshlanishida bolalarning mustaqil xatti-harakat qilishlari: yugurish, o’tirish, gaplashish va tomosha qilish uchun sharoit mavjud bo’ladi. Keyin harakatli o’yinlar, bolalarning mustaqil faoliyatlari, mehnat, kuzatish. turli-tuman ijodiy o’yinlar tashkil etiladi.
MTMda bolalar turmushini tashkil etishga katta e'tibor beriladi. Har bir yosh guruhida tashkil etilgan kun tartibi bolalarning uyquga, ovqatlanishga, faol mehnat qilishga bo’lgan ialabini to’la qondirishi, bolalaida ijobiy hissiy kayfiyatni saqlash, bolalar va kattalar o’rtasida to’g’ri munosabat o’rnatish uchun kerakli shart-sharoit yaratilishi keraq Amalga oshiriladigan tadbirlarda tarbiyachi bolalarda madaniy-gigienik malakalarni: ijtimoiy xulqni, xatti-harakatlar madaniyatini tarbiyalab boradi.
Bolaning sog’lom bulib, to’g’ri rivojlanishi uchun tinch va chuqur, kerakli uyqu muhim ahamiyatga ega.
Tarbiyachi guruh xonasida boialarni uyquga yotqizgandan keyin xonaning shamollatilgan bo’lishini, tinchlikni ta'minlaydi. Bolalarning uyg’onganlarini sekin- astalik bilan turg’azish keraq Bola organizmining o’zgaruvchan tashki ta'sirlarga chidamliligini oshirish maqsadida har xil chiniqtiruvchi tadbirlar havo, quyosh, suv vannasi bilan chiniqtirish amalga oshiriladi. Bunga chiniqtiruvchi tadbirlar vaqtini sekin-asta ko’paytirib borish, suv temperaturasini pasaytirib borish. kundo’zi uyquni ochiq havoda tashkil etish, bolalar kiyimlarini engillatib borish orqali erishiladi. Bolalarning kundo’zi va kechki soatlarda ochiq havoda bo’lishlarini ta'minlash ularning sog’lom, barkamol bo’lib o’sishlarida katta ahamiyatga ega.

Bolalarning ochiq havodagi faoliyatlarini qiziqarli va maroqli o’tishini ta'minlash uchun har xil o’yinlar, sport ermak o’yinlari, kuzatish va mehnat faoliyatlariga kerakli shart-sharoit yaratiladi.

Ilk yoshdagi bolalar hayotini tashkil etishning o‘ziga xosligi.

Bolalar hayoti kunning birinchi va ikkinchi yarmidagi kun tartibiga binoan tashkil etiladi. Buning uchun hamma zarur shart-sharoitlarni yaratish zarur.
1-Kichik guruh bolalarining ko’p vaqti guruh xonasida o’tadi. YAxshi jihozlangan xona. o’yinchoq va qo’llanmalarni to’g’ri tanlash bolalarning to’laqonli hayot kechirishining asosiy sharti hisoblanadi. Guruh xonasidagi o’yinchoqlar bu yoshdagi bolalarning 4-3 ta bo’lib o’ynashlarini e'tiborga olib joylashtirilishi, «Oila», «Bolalar bog’’chasi» va shunga o’xshash o’yinlarni o’ynashlari uchun o’yinchoq burchagi tashkil etilishi, unda yana qurilish materiallari, harakatlanuvchi o’yinchoqlar ham bo’lishi keraq qolgan o’yinchoqlar, rasmlar shkaflarga bolalar bemalol oladigan qilib joylashtirishi lozim. Xonada bolalarning polda mashina, aravachalarni bemalol yurgiza olishlari va yirik qurilish materiallari bilan o’ynashlari uchun ham joy ajratilishi keraq Harakatlarni rivojlantiruvchi jihozlar binoning maxsus xonalarida saqlanadi va jismoniy tarbiya mashg’ulotlaridagina olib chiqiladi. Maydonchaga qum yashiklari, bolalarning sakrashlari, tirmashib chiqishlari uchun kerakli jihozlar, qorda, mo’zda uchishlari uchun chanalar qo’yiladi.
2-kichik guruh Moddiy muhit ikkinchi guruh bolalari uchun ham xuddi birinchi kichik guruhnikidek tashkil etiladi. Bundan tashqari kuzatish va mehnat uchun tabiat burchagiga akvariumda baliq, to’rlarda kushlar va mayda hayvonlar joylashtiriladi. Guruh xonasidan kitob javoni uchun joy ajratiladi. MTM maydonchasida sport o’yinlari bilan shug’ullanish uchun maxsus joy boiadi, u kerakli anjomlar bilan jihozlab qo’yiladi: velosipedda uchish uchun yo’lka, tirmashib chiqish uchun jismoniy tarbiya narvonchalari, muvozanatni saqlash uchun ma'lum balandliqia yotqizilgan g’o’la va shunga o’xshashlar bo’ladi. Olib chiqilgan o’yinchoqlarni o’ynash uchun maxsus stollar, o’rindiqlar, suv bilan o’ynash uchun maxsus idish, qum yashigi bo’lishi keraq
O’rta guruh Guruh xonasi uxlash xonasi, xojatxona va echinish xonasiga ega bo’lishi keraq
Guruh xonasi bir necha bo’limdan iborat bo’lishi keraq Birinchi o’yin boTimida qo’g’irchoq bilan o’ynash uchun hamma kerakli narsalar joylashtirilgan shkaf bo’ladi. Ikkinchi o’yin bo’limida ko’rilish materiallari qo’yiladigan shkaf va ular bilan o’ynash uchun joy ajratiladi. SHu xonaning yana bir qismida bolalarning badiiy faoliyat bilan mustaqil shug’ullanishlari uchun kerakli materiallar qo’yiladi. Kitob burchagi va stol usti bosma o’yini bilan shug’ullanishlari uchun o’yin burchagida tinchroq joyni ajratish keraq Tabiat burchagini derazalarga yaqinroqia joylashtirgan ma'kul. Xona amaliy san'at asarlari va ko’kalamzorlashtiruvchi o’simliklar bilan bezatiladi.
Maydoncha boshqa maydonchalardan yashil, manzarali o’simliklar bilan to’silib, jismoniy mashqlar va sport ermak o’yinlari uchun kerakli asboblar bilan jihozlanadi.
Katta guruh. O’yin bo’limlari bolalarning yoshiga mos holda, o’rta guruh xonasi kabi jihozlanadi. Guruh xonasida yana mashg’ulot o’tkaziladigan bo’lim ajratiladi va u erga tarbiyachining stoli, ekran, shkaf, doska joylashtiriladi. Bola­larning mustaqil o’ynashlari uchun hamma kerakli materiallar ular bemalol foydalana oladigan qilib joylashtirilishi kerak (stollar, o’yinchoqlar solingan qutichalar, vitrina shkafi, tokchalar va boshqalar). Tabiat burchagi, qo’l mehnati bilan shug’ullanadigan burchaq kitob burchagi, tasviriy faoliyat bilan mustaqil shug'ullanadigan burchaq musiqaviy faoliyat burchaklari bo’lishi keraq Bulardan tashqari bolalar bemalol, erkin harakat qilishlari uchun kattagina bo’sh joy bo’lishi zarur. Maydonchada sport o’yinlari, yugurish, sakrash, tirmashib chiqish, irg’itish uchun kattajoy ajratiladi. Syujetli o’yinlar uchun o’yinchoqlar ham bo’ladi.
Tayyorlov guruhi. Bu erdagi mashg’ulot o’tkaziladigan bo’limda katta guruhdagi singari bolalar uchun ikki kishilik stollar qo’yiladi. Guruh xonasidagi jihozlar zarurat tufayli shug’ullanganda o’yinga joy bo’shatish maqsadida boshqa tomonga surib qo’yadigan qilib joylashtiriladi. Maydonchada sport o’yinlari va har xil o’yinlar uchun joy ajratiladi, gulxona va poliz tashkil etilib, u erda bolalar o’zlari gul va sabzavotlarni etishtiradilar.
Bolalar hayotini tashkil etishga qo’yiladigan talablar. Running birinchi yarmida bolalar hayotini tashkil etish, bolalarning MTMda 9-10 soat bo’lishi kun tartibida belgilab qo’yilgan. Bunda ertalabki qabul muxim rol o’ynaydi. Tarbiyachi bolalarning MTMdagi vaqti qiziqarli, sermazmun o’tishini ta'minlaydi.
Buning uchun ertalab boialarni oehiq chehra bilan kutib oladi, ota-onalari bilan xushmuomala, xayrixox munosabatda bo’ladi. Ertalabki qabul vaqtida ijodiy o’yinning hamma turlari tashkil etiladi, tabiat burchagida kuzatish, bolalarning guruh xonasidagi, ovqat va mashg’ulotlardagi navbatchiliklari, nonushtadan oldin ertalabki gimnastika va yuvinish tashkil etiladi. Nonushta vaqtida tarbiyachi bolalarning ovqatlanish madaniyatini nazorat qilib turadi.
Nonushtadan keyin dasturda ko’rsatilgan vaqt mobaynida mashg’ulot o’tkaziladi. Mashg’ulotgacha va mashg’ulot o’rtasida o’yinlar tashkil etiladi. Qanday o’yin o’tkazilishi mashg’ulotning mazmuni va xususiyatiga bog’’liq. Bolalar o’tirib shug’ullanadigan mashg’ulotdan oldin harakatli o’yinlar, jismoniy tarbiya va musiqaviy mashg’ulotdan oldin tinch o’yinlar o’ynashadi. Mashg’ulotdan keyin sayr o’tkaziladi. Tarbiyachi tevarak-atrofdagi tabiatni, kattalar mehnatini, ijtimoiy hayot voqealarini kuzatishni tashkil etadi. Harakatli o’yinlar o’tkazadi, mustaqil o’yin o’tkazishni taklif etadi. Mana shu vaqt ichida bolalarning mustaqil faoliyatlari, mehnat, didaktik o’yinlar, ijodiy o’yin turlari bilan shug’ulanishlari uchun katta e'tibor beriladi. Maqsadli sayrlar uyushtiriladi. Sport o’yinlari va mashqlar, jismoniy dam olish va shunga o’xshashlar bolalarning harakat faolligini o’stirishga ham katta ahamiyat beriladi.
Bolalarning sayrdan qaytishlari, echinib yuvinishlari, tushki ovqat va kundo’zgi uyqu ham juda uyushqoklik bilan o’tishi keraq
Running ikkinchi yarmida tarbiyachi boialarni uyg’otib, faoliyatga kirishlarini ta'minlaydi va kechki nonushta tashkil etiladi. Keyin musiqaviy yoki jismoniy tarbiya mashg’uloti o’tkazilishi mumkin. Kechki sayrga quyidagilar kiradi: hamma ijodiy, didaktik o’yinlar, tinch harakatli o’yinlar, kuzatish, qo’l mehnati, bolalarning mustaqil tasviriy faoliyati, ko’ngil ochishlar (haftada bir marta). Running birinchi va ikkinchi yarmida bolalar hayotini tashkil etishga qo’yiladigan asosiy talab har bir bolaning mazmunli va qiziqarli faoliyat bilan shug’ullanishini, ularning har tomonlama rivojlanishi va baxtli bolaligikni ta'minlashdir.

SHunday qilib, kun davomida bolalar hayotini tashkil etishga quyidagi talablar qo’yiladi:

1. 
   Bolalarning hamma faoliyat turlari bilan shug’ullanishlari uchun shart- sharoitlar yaratish.
   
2. 
   Har bir yosh guruhda faoliyat turlarini almashtirib borish
   
3. 
   Bolalarning harakat faolligini etarlicha ta'minlash.
   
4. 
   Mashg’ulot, o’yin, mehnat, maishiy faoliyat o’rtasida aloqa o’rnatish.
   
5. 
   Bolalarning olgan bilim, malaka, ko’nikmalarini mustaqil faoliyatlarida qo’llay olishga o’rgatish.
   
6. 
   Bolani faol bo’lishga, har doim biron narsa bilan mashg’ul bo’lishga o’rgatish.
   
7. 
   Har bir bolani ijobiy xoxish va qiziqishlarini diqqat bilan ko’zatib borish va uning yanada rivojlanishi uchun shart-sharoit yaratish.
   
8. 
   Bolalarning butun faoliyatiga tarbiyachining rahbarligi.
   
9. 
   Kun tartibiga qat'iy rioya qilish.
   

Nazorat uchun savollar:

1. 
   Bolalar faoliyatining qanday turlari mavjud?
   
2. 
   Mashg’ulot jadvali to’zishda qanday talablarga rioya qilinadi?
   
3. 
   Mustaqil faoliyat nima?
   
4. 
   Kechki saylga nimalar kiradi?