Mavzu: Juft tuyoqlilarning umumiy tavsifi, iqtisodiy ahamiyati Reja: Kirish

2.4 Gòsht va sut mahsulotlari ishlab chiqarish
Sut va go’shtni kishilar deyarli har kuni istimol qiladi. Rasional ovqatlanishda ularning o'rnini bosadigan mahsulot yo'q. Mamlakatimiz qudratli sut sanoatiga ega. Barcha shaharlarda sut zavodlari bor. Yog’ ishlab chiqaruvchi zavodlar yangidan yoki qaytadan qurilgan. Sut konservalari ishlab chiqariladigan zavodlar ham bor. Yil sayin pishloq ishlab chiqarish ham ortib bormoqda. Sut korxonalari avtomatik boshqariladigan, yuqori ishlab chiqarish quvvatiga ega bo’lgan zamonaviy mashinalar bilan jihozlanganligi tufayli, ularning ish unumi 3-4 marta ortdi.
Go’sht va sutning xalq xo’jaligidagi ahamiyati. Mamlakatimizda oziq-ovqat sanoatining asosiy tarmoqlaridan biri go’sht va sutchilik hisoblanadi. Bunda zootexnik mutaxassislarning roli kattadir. Sut va go’sht mahsulotlari kishi hayoti uchun to'la qiymatli oqsil manbai bo’lib, organizmni plastik va energetik moddalar bilan ta’minlaydi. Go’sht oqsillari o’simlik oqsillaridan yuqori turadi. Shuning uchun ham hayvonlarning oqsil va yog’lari kishilar oziq rasionida katta o’rin egallaydi. Shu sababdan, mamlakatimizda go'sht va sut sanoatining rivojlanishiga katta ahamiyat berilmoqda.


Sutning oziqlik qiymati. Sut va sut mahsulotlari tarkibida inson iste’mol qiladigan yuqori sifatli oqsil, kalsiy, A vitamini va V vitamini kompleksiga mansub bo’lgan boshqa moddalar ko’pdir. Sigir suti tarkibida 100 dan ortiq turli xil moddalar bor, shu jumladan 20 yog’ kislota, 25 xil aminokislota, 30 xil mineral modda, 23 xil vitamin,shuningdek 4 xil sut shakari bor. Bulardan tashqari, sutda pigmentlar,fermentlar, limon kislota va boshqa moddalar ham uchraydi. Sut tarkibidagi oqsilda odam organizmining normal rivojlanishi uchun zarur bo’lgan aminokislotalarning barcha turlari mavjuddir va shu bilan birga, bu oqsil boshqa moddalarda uchraydigan oqsillardan farq qiladi. Sut yosh bolalar, qariyalar, bemorlar va umuman insoniyat hayotida sutni o’rnini bosadigan bironta mahsulot yo’q.