Mavzu: fizika o’qitishda o’quvchilarni mustaqil ishlashga o’rgatish

2.2. Amaliy mashg’ulotlarda mustaqil ishlarni tashkil etishda uslubiy tavsiyalar tayyorlash.
Fizika darslarida bevosita mustaqil ishlarni tashkil etish shakllaridan biri bu masalalar yechishdir. Masalalarni mustaqil ravishda yechish ko’nikmalarini o’quvchilarga singdirish–eng yaqin muammolardan biri hisoblanib, o’qituvchining doimiy diqqat e’tiborini jalb qilishi kerak. O’quvchilarni masalani mustaqil yechishga o’rgatishni asta-sekin, ayrim murakkab bo’lmagan operatsiyalarni bajartirish orqali, murakkabroq operatsiyalarni bajarishga o’tish, shundan so’nggina mustaqil ravishda masalalar yechishga kirishish mumkin. Bundan ham qiyinlik darajasi ortib borish tartibida mustaqil ishlar elementini kiritish kerak. Bu ishlarni quyidagi bosqichlarda amalga oshirish tavsiya etiladi.
Dastlab o’quvchilarni mustaqil ravishda masalaning mazmunini analiz qilishga o’rgatish kerak. Masala shartini ratsional ravishda yozish va yechimini topish usullari bilan tanishtirish lozim. Buning uchun o’quvchilarni davriy ravishda doska yoniga chiqarib, ularga masala shartini yozishni, so’ngra jamoa bo’lib yozilgan shartning eng ratsional usulini topishni muhokama qilish kerak.
2.3. Fizika darslarida o’quvchilar mustaqil ishlarini tashkil etish
Oldingi bo’limlarda mustaqil ishlarning ko’rinishlari ko’rsatib o’tildi. Fan bo’yicha tashkil etiladigan mustaqil ishlarning didaktik prinsiplari, o’quvchilar mustaqil ishlarini boshqarish metodikasi hamda o’quvchilarning bilim va ko’nikmalarining shakllanishini psixologik-didaktik asoslari ko’rsatildi [2].
Yuqorida ko’rilgan masalalar o’qituvchi tomonidan amalga oshiriladigan vazifalarning bajarilishida o’quvchilarda yetarli darajada mustaqillik faoliyati shakllanishi uchun yetarli emas. Buning uchun mustaqil ishlarni tashkil etish mahorati yetarli tayyorgarlikka ega bo’lishini, dars jarayonida mustaqil ish elementlarini qanday kiritish, materialni tushuntirishda qaysi qismlariga kiritish va jamoa usulida ishlarni qanday tashkil etish mahoratiga ega bo’lishi kerak.
Bu bo’limda o’quvchilar mustaqil ishlarini tashkil etish va rahbarlik qilish metodikasini, kitob bilan ishlash, maslalar echish, laboratoriya ishlari o’tkazish jarayonlarida ko’rsatishga harakat qilinadi.
Alohida paragroflarda o’qvchilarning topshiriqlarni individual bajarishiga rahbarlik metodikasi ko’rsatiladi. Bundan tashqari tarqatma materiallar va ular bilan ishlashda mustaqil ishlarning usullari ko’rsatiladi.