Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Attestatsiya bo'yicha faoliyat turlari: 1) jarayonning har bir operatsiyasini sertifikatlashtirish; 2) sinov partiyalarini qayta ishlash; 3) jarayonni mustaqil tekshirish.
Operatsiyani sertifikatlash. Faoliyatning bu turi har bir operatsiyaning to'rt tarkibiy qismiga tatbiq qilinadi:

1. 
   Hujjatlar xodimni zarur axborot va bilimlar majmui bilan ta'minlaydi. Xodim ularning yordamida o'ziga topshirilgan ishni bajaradi. Hujjatlarning tushunarli bo'lishi muhimdir.
   
2. 
   Sinov va texnologik jihoz sifat va mehnat unumdorligiga sezilarli ta'sir ko'rsatadi. Jihozlarni sertifikatlashtirish uning berilgan operatsiyani
   
3. 
   Operatsiyaga talablar. Sertifikatlashtirishning bu bosqichida har bir operatsiyaning yordamchi tizimlari baholanadi.
   
4. 
   Olinadigan natijalarning maqbulligi.
   
5. 
   Sinov partiyalari. Har bir operatsiya sertifikatlashtirilganidan so'ng texnologik jarayonning uzluksizligi, natijaviyligi va ishlab chiqarilyapgan mahsulot hajmining chegarasi aniqlanadi, sinov partiyalari qayta ishlanadi va texnologik jarayonning samaradorligi baholanadi. Odatda bir necha hafta mobaynida tajriba o'tkazilib, unumdorlik va jihozning imkoniyatlari aniqlanadi. Bir nechta partiyalar hamma texnologik operatsiyalardan o'tadi.
   

Jarayonning mustaqil nazorati. Jarayonni takomillashtirish bo'yicha guruhning raisi tomonidan boshqariladigan tekshiruv guruhi tuzilib, uning tarkibiga, masalan, jarayonga bevosita aloqasi bo'lmagan konstruktorlik idorasi, texnologik bo'lim, mahsulot sifatini ta'minlash bo'limi va sotuv bo'limining raislari kiritiladi. Bu guruh jarayonning holatini baholaydi va quyidagilarni aniqlaydi:

1. 
   Buyumning texnologik xususiyatlari va jarayonning barqarorligini tekshirish mumkinmi?
   
2. 
   Jarayonning maqsadi to'g'ri anglanganmi va barcha zarur hujjatlar mavjudmi?
   
3. 
   Loyihada oldingi loyihalarga xos bo'lgan muammolar hisobga olingan va bartaraf qilinganmi?
   
4. 
   Yangi mahsulotga oid hujjatlar ilgari ishlab chiqarilgan mahsulotlarga nisbatan uning ishonchliligi va sifatini oshirishni nazarda tutadimi?
   
5. 
   Ishlab chiqarish rejasini bajarish tartibi ishonarlimi va barcha ta'minlovchi bo'linmalardan mablag'larni ajratish ko'zda tutilganmi?
   
6. 
   Dasturlarni bajarish yoki texnologiyalarni qo'llashga halaqit beruvchi jiddiy texnik muammolar mavjudmi?
   
7. 
   Sertifikatlashtirish va attestatsiyalash talablarga muvofiq o'tkazilganmi va hamma mavjud muammolar aniqlanganmi?
   
8. 
   O'lchashlar tizimi va teskari aloqa samarali ishlab turibdimi?
   
9. 
   Tayyor mahsulot iste'molchilarning talablariga javob beradimi?
   

Baholash o'tkazilgandan so'ng, tekshiruv guruhining a'zolari
jarayonni takomillashtirish guruhi bilan hamkorlikda yig'ilishni tashkil qilib, erishilgan natijalar haqida hisobot beradilar. Bu natijalar tekshiruv guruhining hisobotida rasmiylashtiriladi. Shundan so'ng, jarayonni takomillashtirish guruhi hisobotda keltirilgan muammolarni tuzatish choralarini ishlab chiqadi.