Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

"O'z vaqtida" tamoyili bo'yicha moddiy - texnik ta'minot. Jarayonni statistik nazorat qilish va ta'minotchilar mahsulotining sifatini oshirish ishonchli ishlab turganda materiallar va komplektlanuvchi buyumlarning zaxiralarini muntazam qisqartirib borish va "o'z vaqtida" tamoyili bo'yicha zaxiralarni yaratishga o'tish mumkin. Bu tamoyil quyidagilarni qisqartirish imkonini beradi:

1. 
   Kirish nazorati.
   
2. 
   Tovar - moddiy zaxiralarni saqlash harajatlari.
   
3. 
   Omborxona binolarining o'lchami.
   
4. 
   Zaxirlar harakatlanish davrining muddati.
   

"O'z vaqtida" tamoyilini qo'llash quyidagi vazifalarning bajarilishiga yordam berishi kerak:

1. 
   Tayyorlash - yakunlash operatsiyalariga sarflanadigan vaqtning minimallashtirilishi.
   
2. 
   Kirish joyining o'zida nuqsonli mahsulotni aniqlovchi o'lchash tizimi ishlab chiqarish jarayoniga kiritilgan bo'lishi kerak.
   
3. 
   Ishlab chiqarish jihozi shunday joylashtirilishi kerakki, ishlab chiqarish operatsiyalari o'rtasida zaxiralarning harakatlanish yo'li minimal darajaga kelsin.
   
4. 
   Texnologik operatsiyalarni bajarish vaqti butun jarayon davomida ishlab chiqarish potokining uzluksizligini ta'minlashi kerak.
   
5. 
   Ta'minotchilar grafik bo'yicha belgilangan vaqtda yuqori sifatli komplektlanuvchi buyumlarni yetkazib berishlari kerak.
   
6. 
   Korxonani yetkazib berilgan mahsulotning sifati qoniqtirmasa, ta'minotchilar bilan sifat va yetkazib berish muddatlariga qattiq talablar qo'yuvchi shartnoma oldindan tuzilgan bo'lishi kerak.
   

Shunday tizim ishlashni boshlashi uchun jarayonni takomillashtirish bo'yicha guruh eng ishonchli komplektlanuvchi buyumlarni yetarli miqdorda tanlab olishi, ularga qo'llanadigan tizimni tanlashi va mahsulotning sifatini oshirish va jarayonni takomillashtirish maqsadida uni kengaytirishi kerak. Bir necha o'n partiyani yetkazib berish jarayonida ta'minotchining butunlay ishonchsiz deb topilgan hech bir detalini "o'z vaqtida" tizimi doirasida ishlatish mumkin emas.
3. Jarayonlarni takomillashtirish bo'yicha guruhlarning faoliyati.