Mavzu: boshqaruv psixologiyasi fanining predmeti, vazifalari, ilmiy tadqiqot

Nazorat uchun savollar:

1. 
   Psixologiyaning boshqaruvda tutgan o‘rnini gapiring?
   
2. 
   Boshqaruv psixologiyasi fanining predmeti?
   
3. 
   Boshqaruv ilmining nazariy tarixiy asoslarini tushuntiring?
   
4. 
   Tashkilotlar faoliyatini va personalni boshqarishning ijtimoiy psixologik jihatlarini izohlang?
   

2. MAVZU: BOSHQARUVDA INTELLEKT VA BILISH JARAYONLARI.

Reja:

1. 
   Boshqaruvda intellekt tushunchasi.
   
2. 
   Boshqaruvda bilish jarayonlari.
   
3. 
   Boshqaruvda intelekt va bilish jarayonlarining ahamiyati.
   

Tayanch so‘z va iboralar:

Psixologiya, boshqaruv, boshqaruv psixologiyasi, intellekt, diqqat, sezgi, idrok, xotira, xayol, tafakkur rahbarlik faoliyati.

1. Boshqaruvda intellekt tushunchasi.

Boshqaruv psixologiyasi fanidagi asosiy tushunchalardan biri, boshqaruv sub’ekti va ob’ekti masalasidir. Bevosita boshqaruv jarayonini ko‘z oldimizga keltirsak, boshqaruv sub’ekti sifatida rahbarni, ob’ekt tarzida esa xodimni va mehnat jamoasini tasavvur etishimiz mumkin. Biroq, rahbar o‘z faoliyatini tashkil etishi va o‘z-o‘zini boshqarishi uni nafaqat boshqaruv sub’ekti, balki ob’ekt sifatida ham tushunish zaruratini qo‘yadi. Rahbarning kasbiy mukammallashuvi, o‘z-o‘zini boshqarish malakalarini egallashi, tashkilot va xodimlar boshqaruvidagi asosiy mavzulardan biriga aylanadi.

Yuqoridagi fikrlardan kelib chiqqan holda, boshqaruv psixologiyasining predmeti sifatida, boshqaruv jarayonidagi inson faoliyati qabul qilinadi.
Boshqaruv psixologiyasida rahbar intellekti tushunchasi ahamiyatli bo‘lib,quyidagi rahbar talablari bilan uyg‘unlashib ketadi.

Rahbarga qo‘yiladigan talablar:

- Ma’naviy yetuklik;
- Huquqiy yetuklik;
- Axloqiy yetuklik;
- Yuqori saviya va ong;
- Ma’rifatchilik;
- Madaniyatlilik;
- Xodimlarni vatanparvarlik ruhida tarbiyalashga qodirlik;
- Topshirilgan ish uchun shaxsiy javobgarlikni his qilish halollik;
- Shaxsiy manfaatlarni jamoa manfaatlariga bo‘ysundirishga qodirlik;
- Kishilarga nisbatan mehribon va e’tiborli bo‘lish;
- Tashabbus va ilg‘orlikni qo‘llab – quvvatlash qobiliyati;
- Prinsipiallik;
-Tanqidga chidamli bo‘lish o‘z – o‘zini tadqiq qila bilish.