Mavzu: bola tarbiyasida milliy tarbiya metodlari va zamonaviy pedagoglarning ilg’or yutuqlaridan samarali foydalanish. Kirish. I-bob. Yosh avlodni barkamol shaxs sifatida tarbiyalashda milliy tarbiya metodlari

Kursni tugatish ishining maqsadi – Yosh avlodni barkamol shaxs sifatida tarbiyalashda milliy urf-odat va qadriyatlarning ahamiyatining pedagogik shart-sharoitlarini aniqlashdan iboratdir.
Kursni tugatish ishining vazifalari: Muammoning dolzarbligi, maqsadi, ob’ekt va predmetidan kelib chiqqan holda tadqiqot ishimizning quyidagi vazifalarini belgilab oldik:
Milliy tarbiya va jamiyatning rivojlanishida milliy urf-odat va qadriyatlarning o’rni.
Milliy madaniy merosimizda va ilmiy tadqiqot - ishlarida milliy urf-odat va qadriyatlarning tarbiyaviy ahamiyatining o’rganilganligi.
Bola tarbiyasida zamonaviy pedagoglarning ilg’or yutuqlaridan samarali foydalanishning shakl va metodlari.
Yosh avlodni tarbiyalashda milliy urf-odat va qadriyatlardan foydalanishda maktab, oila va jamotchilik hamkorligidagi ishlarni tashkil etish.
O’quvchilarni barkamol shaxs sifatida milliy urf-odat va qadriyatlar orqali tarbiyalashning ta’lim jarayonidagi va darsdan tashqari olib borilgan ishlar tahlili.
Mavzuning o’rganilganlik darajasi: O’zbek xalqi tarixan yosh avlodni urf-odat va umuminsoniy qadriyatlar asosida tarbiyalash sohasida o’ziga xos dorulfunun yaratgan. Bu borada xalq pedagogikasi boy tajribaga ega. Bugungi kundagi yosh avlodni urf-odat va umuminsoniy qadriyatlar asosida tarbiyalash maqsad va vazifalarini hal etishda uning o’rni beqiyosdir.
Keyingi yillarda yosh avlodni urf-odat va umuminsoniy qadriyatlar asosida tarbiyalash an’analariga oid muammolar yuzasidan ko’plab tadqiqot ishlari olib borilmoqda. Pedagog olimlarimiz tomonidan yaratilgan bir necha risola, qo’llanma, ilmiy-tadqiqot ishlari bunga yaqqol misol bo’la oladi. R.H.Jo’raev, P.Holmatov, Sh.Sharipov, B.Raximov, U.Nishonaliev, N.Saidaxmedov, O’.Tolipov, S.Nishonova, R.Safarovalarning tadqiqot ishlari shular jumlasidandir. Yosh avlodni urf-odat va umuminsoniy qadriyatlar asosida tarbiyalashning usul va vositalari muammosiga bag`shlangan tadqiqot ishlari ko’plab olib borilgan bo`lib, ular asosan katta yoshdagi o’quvchi va talabalar o’rtasida ushbu muammoning echimini topishga qaratilgan. Qolaversa, keyingi yillarda yosh avlodni urf-odat va umuminsoniy qadriyatlar asosida tarbiyalashga nisbatan ta’limga e’tibor kuchayib bormoqda. Muammoning dolzarbligi, nazariy-pedagogik va amaliy holatidan kelib chiqib, biz Kursni tugatishishimizning mavzusini “Yosh avlodni barkamol shaxs sifatida tarbiyalashda milliy urf-odat va qadriyatlarning ahamiyati ” deb oldik.