Mavzu: bola tarbiyasida milliy tarbiya metodlari va zamonaviy pedagoglarning ilg’or yutuqlaridan samarali foydalanish. Kirish. I-bob. Yosh avlodni barkamol shaxs sifatida tarbiyalashda milliy tarbiya metodlari

I-bob. YOSH AVLODNI BARKAMOL SHAXS SIFATIDA TARBIYALASHDA MILLIY TARBIYA METODLARI.

3. 
   Milliy tarbiya va jamiyatning rivojlanishida milliy urf-odat va qadriyatlarning o’rni.
   

O’sib kelayotgan avlodni barkamol shaxs sifatida milliy urf-odatlar va qadriyatlar asosida tarbiyalashning mohiyatini tushunib etish kerak. Qadriyatlar o’zining mohiyatiga ko’ra bir necha turga bo’linadi. Jumladan, inson va uning hayoti eng oliy qadriyat hisoblanadi. Inson yo’q joyda biron narsaning qadr qimmati haqida so’zlashning o’zi bema’nilikdir. Shuning uchun ham inson qadr qimmatini e’zozlash, uning turmushini yaxshilash, bilimi va madaniy saviyasini rivojlantirish, sog`lig`ini saqlash, hayotini himoya qilish davlatimiz siyosatining asosiy yo’nalishini tashkil etadi. Jamiyatimizda ro’y berayotgan tub o’zgarishlarning, islohotlarning barchasi kishilar hayoti to’q va farovon, boy, go’zal bo’lishi, inson o’zini chinakamiga erkin his etishi, o’z mehnati natijasining, o’z taqdirining, o’z mamlakatining egasi bo’lishini ta’minlashga qaratilgandir.
Inson ehtiyojlarini qondirishda tabiiy qadriyatlar katta ahamiyat kasb etadi. Tabiiy qadriyatlarga er va er osti boyliklari, suv, havo, o’rmonlar, o’simliklar, hayvonot dunyosi va boshqalar kiradi.
Markaziy Osiyo, xususan, O’zbekiston zamini xilma xil qazilmalarga boy. Er yuzasiga yaqin yotgan qazilmalarning aksariyati ochilgan va ular xalq xo’jaligi, fan va texnika tarakqiyoti uchun xizmat qilmoqda. Shu bilan birga xali ochilmagan, ruyobga chiqmagan konlar ham ko’p. Bu konlarning juda oz qismi bevosita er yuziga chiqqan bo’lsa, aksariyati yer ichkarisida yashirinib yotibdi.¹ Iqtisodiy ahamiyatga ega bo’lgan tabiiy xom ashyo uyumlari “foydali qazilmalar” O’zbekiston Respublikasining milliy boyligi, uning asosiy qadriyatlaridandir. O’zbekiston behisob tabiiy boyliklarga, qulay jug`rofik muhitga ega mamlakat.
Tabiat tabiiy resurslar manbaidir. Tabiiy resurslar, ya’ni yonilg`i, har xil metallar, rudalar, havo, suv, o’simliklar, hayvonot dunyosi bo’lmasa insoniyat yashay olmaydi. Tabiat biz uchun moddiy ne’matlarning bosh manbai sifatida ham, cog`lik, shodlik, turmushga mehr-muxabbatning va har bir kishidagi ma’naviy boyliklarning bitmas tuganmas omili sifatida ham o’zining g`oyat zo’r ahamiyatini hech qachon yuqotmaydi.
Yosh avlodni miliy urf-odatlar va qadriyatlar asosida tarbiyalashda ularga birinchi navbatda inson mehnati, xatti-harakati, aql zakovati bilan yaratilgan «ikkinchi tabiat», ya’ni turli tuman moddiy boyliklar, zavod va fabrikalar, ishlab chiqarish kuchlari, transport vositalari, asbob-uskunalar, turar joy, mol-mulk, noz-ne’mat va shu qabilar moddiy qadriyatlar ekanligini tushuntirish lozim.
Ma’lumki, moddiy qadriyatlarning asosini jamiyatimizning moddiy texnika bazasi tashkil qiladi. Insoniyat jamiyatining har biri o’ziga xos moddiy texni­ka bazasiga ega. Ular bir-biridan sifat jihatidangina emas, balki miqdor jihatdan ham farq qiladi. Respublikamizda taraqqiy etayotgan mashinasozlik, metallurgiya, kimyo, issiqlik energiyasi, transport va aloqa, kapital qurilishi, engil, oziq-ovqat, agrar sanoati va boshqa milliy boyliklar majmuasi mustaqil O’zbekiston xalqining moddiy qadriyatlarini tash­kil etadi.
Moddiy qadriyatlarning negizini mulk tashkil eta­di. Davlat iste’molchilarning hyquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqligini va huquqiy jihatdan bab-baravar muhofaza etilishini kafolatlaydi.