Mavzu: bola tarbiyasida milliy tarbiya metodlari va zamonaviy pedagoglarning ilg’or yutuqlaridan samarali foydalanish. Kirish. I-bob. Yosh avlodni barkamol shaxs sifatida tarbiyalashda milliy tarbiya metodlari

2.3. O’quvchilarni barkamol shaxs sifatida milliy urf-odat va qadriyatlar orqali tarbiyalashning ta’lim jarayonidagi va darsdan tashqari olib borilgan ishlar tahlili.
Maktab o’quvchilarini barkamol shaxs sifatida tarbiyalashda milliy urf-odat va qadriyatlardan foydalanish jarayonida har bir fanda o’tilayotgan dars mavzularining ahamiyati benihoyat katta ekanligi bilan tanishdik. Endi biz umumiy o’rta ta’lim maktabining boshlang`ich sinflardagi turli fanlardan o’tiladigan ayrim dars mavzulariga to’xtalib, buni amalda guvohi bo’lamiz.
Boshlang`ich sinf o’quvchilarini milliy urf-odat va qadriyatlar asosida tarbiyalashda o’qish, ona tili, odobnoma darslari asosiy ma’lumot beruvchi mashg`ulotlar hisoblanadi. Ushbu fanlar dars mavzulari, Vatanni madh etuvchi, do’stlik, to’g`rilik, halollik, jasurlik, mardlik, ezgulik singari g`oyalarni ilgari suruvchi o’quv materiallariga boydir. Undagi ertak, doston, hikoya, rivoyat, maqol, topshiriq, she’r, badiiy asar materiallari, matnlarda kishining insoniy fazilatlari yuksaklarga ko’tarilib, salbiy fazilatlar esa qoralanadi. O’qituvchi bolalarning badiiy qahromonlar ijobiy fazilatlaridan namuna olishlari, salbiy fazilatlaridan esa nafratlanishlari, ularni qarashlarini chuqur tushunib etishlari uchun barcha milliy o’quvchilarning qiziqish va qobiliyatlari usullaridan foydalanishi kerak.
Boshlang`ich sinf o’quvchilarida milliy urf-odat va qadriyatlarni shakllantirish yuzasidan tajriba-sinov ishlari Farg`ona viloyati tumanidagi 12 sonli umumiy o`rta ta`lim maktabi boshlang`ich sinflarida olib borildi.
Bunda biz asosiy e’tiborni boshlang`ich sinflarni barcha darslarda o’quvchi egallagan bilim bilan birga milliy urf-odatlar va qadriyatlar yuzasidan olingan bilimlarini qay darajada o’zlashtirganliklariga qaratdik.
Tajriba-sinov ishlari qo’yidagi sinflarda olib borildi.


Jadval-1